| e-texts navigator |
| Wylie |
325b1 བྱེད།། དྲེའུ་སྐད་ས་ལ་བཏང་བས་ཀྱང་།། རྒྱ་མཚོའི་གཏིང་གི་ཀླུ་རྣམས་ཀྱང་།། དྲེའུ་སྡུད་འབྱིན་ཞིང་ཞལ་ལ་བལྟ།། དྲེའུ་མགོ་མཁའ་ལ་བརྡབས་པ་ཡིས།། རི་རབ་རྩེ་ནས་སྙིལ་ཞིང་ལྷ་རྣམས་ཐལ་བར་རློག། དྲེའུ
325b2 མགོ་ས་ལ་བརྡབས་པ་ཡིས།། རྒྱ་མཚོ་གཏིང་སྐམ་ཀླུ་རྣམས་ཐང་ལ་བྱིན།། དྲེའུ་གདོང་མ་ཡི་དུས་ལ་བབ།། ཅེས་བསྐུལ་ལོ།། ཐོད་པ་ཀླད་ལ་བསྐོར་ལ་སྔགས་འདི་བཟླས་སོ།། ཁ་ལ་ཁ་ལ་རཀྵ་ཁ་ལ་རཀྵ་ནི་ཏིརྷ
325b3 རྦད། ཐུམ་རི་ལི་ལི། སྙིང་ཁ་ལ་རཀྵ་ནི་ཏི་རྦད། ཟུམ་རི་ལི་ལི། ཐོད་པ་དེ་ལྟར་འཕར་བ་ཡིན།། མདའ་ཐུན་བརྡག་པ་འདི་ཡིན་ཏེ།། སྐྱེར་པ་མི་བསད་ཁྱི་བསད་ལ།། སྤྱི་བཞུར་རྩེ་མོས་ལྟོང་བྱས་ཏེ།། འུག་པ་བྱ་རྒོད
325b4 གོང་རུས་གཉིས། ཁྱི་རྒྱ་པོའི་སྙིང་ཁྲག་སྦྱིན་གྱིས་སྦྱར།། ར་ཁྱིའི་སྒྲ་བསྲེས་རྒྱུད་དུ་བྱས།། མིང་རུས་གཟུགས་བཅས་སྙིང་ག་རུ།། མདེའུ་རྩེ་གཏད་ལ་སྔགས་འདི་བཟླས།། ཧཱུཾ་ཙ་པ་ལ་ཐུན་ཁ། ཁྲག་ལ་ཐུན་ཁ། ཁྲག
325b5 ཡམ་ཡམ། ཕོ་ཉ་གཏོང་ངོ་།། ཡུལ་ཕྱོགས་སུ་འཕང་བར་བྱ།། གཟུགས་བྱས་སྙིང་གར་བརྡེག་པར་བྱ། ཧཱུཾ། ཁམས་གསུམ་སྒྲོལ་བྱེད་ཆེན་མོ་ཡིས།། ལྷོ་ཡི་ཕྱོགས་སུ་ཞབས་བརྐྱང་བས།། ཞབས་ཀྱི་དཀྱིལ་འཁོར་ཉིད
325b6 ལས་ཀྱང་།། མི་བཟད་འབར་བའི་སྐུ་ཕྱུང་སྟེ།། སྐུ་ནི་སྔོ་སྒྲ་ཆེན་མོ་ལ།། ཞལ་སྔ་མ་ལ་ཕྱག་བཅུ་སྟེ།། དམར་དང་ལྗང་གུ་དུད་ཀ་སྟེ།། སེར་བའི་ཞལ་ལྔར་བསྟན་པ་སྟེ།། གཡས་ཀྱི་ཕྱག་རྒྱ་ལྔ་ཕྱུང་སྟེ། ཁྲོ་བོ་བཅུ་ཡང
iiif viewer powered by OpenSeadragon
