| e-texts navigator |
| Wylie |
319b1 ཡང་།། ཧེ་རུ་ཀ་ཡིས་མི་སྤྱོད་དེ།། ཨུ་དུམ་པ་རའི་མེ་ཏོག་བཞིན།། ལོ་དང་ཟླ་བ་ཞག་དང་དུས།། མི་ཤེས་ལས་རྣམས་རྩོམ་པ་ནི།། ཧེ་སྡུད་མ་འོངས་དུས་རྣམས་སུ།། མིག་གིས་ཐོང་བའི་སྤྱོད་ལམ་དང་།། དེ་བཞིན
319b2 ཤེས་རབ་དབང་པོས་ཀྱང་།། གསལ་ཞིང་མཐོང་བའི་མན་ངག་བྲལ།། བརྟགས་པའི་སྒོ་གསུམ་མཛེས་པས་ཀྱང་།། ཇི་བཞིན་མྱང་བའི་སྟོབས་མེད་པར།། ཐོ་འཚམས་ལ་ནི་སྟོན་པ་དང་།། ཕྱོགས་གཅིག་པ་ལ་མོས
319b3 པ་ཡིས།། ཧེ་སྡུད་དགའ་བ་མ་ཡིན་པས།། འཁོར་རྣམས་ཀྱིས་ཀྱང་གནོད་པ་སྟོན།། ལོ་ཏོག་རྣམས་ལ་དུས་མེད་པར།། བཅུད་དང་ཁ་དོག་བསད་པ་ལྟར།། ཐམས་ཅད་ཉམས་པར་གྱུར་པ་སྟེ།། དེ་དག་དུས་ལ་ཁུངས
319b4 འབྱིན་ནོ།། དཔེར་ན་ཁ་ཟས་རོ་མཆོག་ནི།། དུ་མའི་ནང་དུ་བཅུད་ཟད་དག། ཆུང་ཡང་ཐམས་ཅད་ཕུང་བ་ལྟར།། སྦྱོར་བ་ཉམས་པ་གཅིག་གིས་ཀྱང་།། དངོས་པོ་མང་པོ་རླག་པར་འགྱུར།། ལས་མཐུན་མང་པོས
319b5 དཔག་ཏུ་མེད།། མཚན་རྣམས་རྫོགས་པའི་ཏིང་འཛིན་ནི།། གང་གིས་མཚན་གྱིས་བསྡུས་པའི་ལས།། དེ་དག་རྣམ་པ་འདིར་བཤད་བྱ།། ལྷ་མོ་ཞེས་བྱའི་མཚན་ཉིད་ནི།། དུས་གསུམ་ཀུན་ཏུ་ཞི་བའི་མཚན།། དཔལ
319b6 ཆེན་མོ་ཞེས་བྱ་བ་ནི།། དུས་གསུམ་ཀུན་ཏུ་རྒྱལ་བའི་མཚན།། ཆེན་མོར་གྲགས་པའི་མཚན་གྲགས་པ།། ཡོན་ཏན་སྤྲུལ་པ་གསང་བའི་མིང་།། བྱིན་བརླབ་དབང་བསྐུར་སྨོན་ལམ་མོ།། དགའ་བར་བྱེད་པའི་སྦྱོར་བས
iiif viewer powered by OpenSeadragon
