| e-texts navigator |
| Wylie |
318b1 ཞིག་གིས་ནི་འདུལ་བ་ཉུང་། འཕགས་པ་ཧེ་སྡུད་ཆེན་མོའི་རྣམ་པར་སྤྲུལ་ནས་འདུལ་བ་ནི་ཤིན་ཏུ་ཡང་མང་བར་མཆིས་ཏེ། དེའི་དུས་ན་སེམས་ཅན་དག་ཧེ་སྡུད་ཆེན་མོ་ལ་ལ་ལ་ནི་བལྟ། ལ་ལས་ནི་མཐོང་། ལ་ལས
318b2 ནི་མི་མཐོང་། ལ་ལས་ནི་དག་པར་མཐོང་། ལ་ལས་ནི་མ་དག་པར་མཐོང་། ལ་ལས་ནི་མཆོད། ལ་ལས་ནི་ཚུལ་དང་མ་ཡིན་པར་མཆོད། ཐམས་ཅད་ཚུལ་དང་མཐུན་པ་མ་ཡིན་པའི་ལས་ཀྱིས། ཧེ་སྡུད་ཀྱི་འཁོར
318b3 གཏུམ་པ་རྣམས་ཤིན་ཏུ་མི་དགའ་ཞིང་ཁྲོས་ཚེ་འཇིག་རྟེན་དུ་ཡང་དུས་མ་ཡིན་པའི་བར་ཆོད་མང་དུ་བཏང་བས་སེམས་ཅན་རྣམས་ཉམས་དམན་པར་འཆི་བའི་དུས་མཆིས་པས། དེ་དག་ལ་ཕན་གདགས་པའི་སླད་དུ།།
318b4 དེ་བཞིན་གཤེགས་པ་ཐམས་ཅད་མཁྱེན་པས། ཧེ་སྡུད་ཆེན་མོ་འཁོར་དང་བཅས་པ་དགའ་བར་གྱུར་ན་གྲུབ་པ་ཆེན་པོ་ལགས་པས། ཧེ་སྡུད་ཆེན་མོ་འཁོར་དང་བཅས་པ་དགའ་བར་བགྱི་བའི་དོན་བསྟན་དུ་གསོལ།
318b5 ཞེས་གསོལ་བ་བཏབ་བོ།། དེ་ནས་དཔལ་རྡོ་རྗེ་འཛིན་པ་ཆེན་པོས་འདི་སྐད་ཅེས་གསུངས་སོ།། ནག་པོ་ཆེན་པོ་དེ་དེ་བཞིན་ནོ།། དེ་དེ་བཞིན་ཏེ། མ་འོངས་པའི་དུས་ན་ཧེ་སྡུད་ཆེན་མོ་དགའ་བ་མ་ཡིན་པ་ལས།།
318b6 སེམས་ཅན་རྣམས་བྱང་ཆུབ་ཀྱི་དམིགས་པའི་ལམ་དང་བྲལ་བར། མུན་སྤྲུལ་དང་བསླ་བའི་ལས་ལ་འགྲན་དོར་གྱིས་སྟོན་པར་འགྱུར་ཏེ། དེའི་རྐྱེན་གྱིས་ཧེ་སྡུད་ཀྱི་འཁོར་རབ་ཏུ་མི་བསྒྲུངས་པ་རྣམས་ཆེར་འཁྲུག་པར
iiif viewer powered by OpenSeadragon
