| e-texts navigator |
| Wylie |
318a1 མ་དྲི་ཟའི་རྗེ་མོ་དང་། རྣལ་འབྱོར་མ་གཤིན་རྗེའི་རྗེ་མོ་དང་། རྣལ་འབྱོར་མ་ཀླུའི་རྗེ་མོ་དང་། རྣལ་འབྱོར་མ་གནོད་སྦྱིན་གྱི་རྗེ་མོ་དང་། རྣལ་འབྱོར་མ་དྲང་སྲོང་གི་རྗེ་མོ་དང་། རྣལ་འབྱོར་མ་སྲིན་མོའི
318a2 རྗེ་མོ་དང་། རླུང་ལྷའི་རྗེ་མོ་དང་། དབང་ལྡན་གྱི་རྗེ་མོ་དང་། ཉི་ཟླའི་རྗེ་མོ་དང་། ས་བདག་གི་རྗེ་མོ་དང་། ཐམས་ཅད་ཀྱི་རྗེ་མོ་དང་། རྣལ་འབྱོར་མ་དུར་ཁྲོད་ཀྱི་བདག་མོ་ལ་སོགས་པ་དང་ཐབས་ཅིག་གོ། གཞན
318a3 ཡང་རྣལ་འབྱོར་མའི་བདག་མེད་དཔལ་ནག་མོ་ཆེན་པོ་ལ་སོགས་པ་རྣལ་འབྱོར་མའི་ཚོགས་དུ་མ་དང་ཡང་ཐབས་ཅིག་ཏུ་བཞུགས་ཏེ། དེ་དག་འཁོར་གཡོག་སོ་སོ་སྡེ་ཚན་མང་པོས་གཅིག་ཏུ་བསྐོར་ཏེ། རྔམ་པར
318a4 རོལ་ཅིང་ཡོངས་སུ་བསྟིམ་ནས་བཞུགས་སོ།། དེའི་ཚེ་དེའི་དུས་ན་དཔལ་རྡོ་རྗེ་འཛིན་པ་ཆེན་པོས་ནག་པོའི་གདོང་གི་དཀྱིལ་འཁོར་ལ་རྣམ་པར་གཟིགས་སོ།། དེ་ནས་སངས་རྒྱས་ཀྱི་མཐུས་དཔལ་ནག་པོ་ཆེན་པོ
318a5 རང་གི་སྟན་ལས་ལངས་ནས། བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་པོ་ལ་གཡས་ཕྱོགས་ནས་ལན་བརྒྱ་སྟོང་དུ་མར་བསྐོར་བ་བྱས་ནས། དམ་པའི་ཆོས་ཞུ་བའི་ཆོ་ག་བྱས་ནས་བཅོམ་ལྡན་འདས་ཀྱི་སྤྱན
318a6 སྔར་འདུག་སྟེ། འདི་སྐད་ཅེས་གསུངས་ཏོ།། བཅོམ་ལྡན་འདས་མ་འོངས་པའི་དུས་ན་ཧེ་སྡུད་ཆེན་མོའི་མཐུས། ཀུན་ཏུ་ཁྱབ་པ་ཞེས་བྱ་བའི་དུས་མཆིས་ཏེ། དེའི་ཚེ་སངས་རྒྱས་དང་བྱང་ཆུབ་སེམས་དཔའ་གཞན
iiif viewer powered by OpenSeadragon
