| e-texts navigator |
| Wylie |
317b1 བྱང་ཆུབ་སེམས་དཔའ་ནི།། བློ་གྲོས་བཤེས་གཉེན་བྱ་བར་ནི།། དེ་འདིར་ངས་ནི་ལུང་བསྟན་ནོ།། མཁའ་འགྲོ་མ་མེ་ལྕེ་འབར་བའི་རྒྱུད་ལས་ཡོངས་སུ་ལུང་བསྟན་པའི་ལེའུ་སྟེ་ཉི་ཤུ་རྩ་གཉིས་པ་རྫོགས
317b2 སོ།། །། མཆོད་ན་རྒྱལ་བ་རིགས་ལྔ་རྟག་ཏུ་མཆོད།། སྲུང་ན་དམ་ཚིག་ཉི་ཤུ་རྩ་བརྒྱད་སྲུངས།། དགྲ་བྱུང་ལྷ་མོ་ནག་མོ་མཚོན་ཆར་ཕྱུང་།། ཉེས་ཆུང་ཁ་འཐབ་ཙམ་ལ་མཚོན་མི་དབྱུང་།། ང་ཡི་དཀོར་ཁང་འཇིག
317b3 ན་མཚོན་ཆར་ཕྱུང་།། དཀོན་མཆོག་དབུ་འཕང་སྨོད་ན་མཚོན་ཆར་ཕྱུང་།། སངས་རྒྱས་བསྟན་པ་འཇིག་ན་མཚོན་ཆར་ཕྱུང་།། དཀོན་མཆོག་སྐུ་དགྲ་དར་ན་མཚོན་ཆར་ཕྱུང་།། ཞེས་སློབ་དཔོན་པདྨས་སློབ་བུ་གླང
317b4 དཔལ་གྱི་སེང་གེ་ལ་དེ་སྐད་ཅེས་བཀའ་སྩལ་ཞིང་གདམས་སོ།། །། @#།། རྒྱ་གར་སྐད་དུ། ཨཱརྱ་རེ་མ་ཏི་མ་ཧཱ་ཨ་ནན་ཏནྟྲ། བོད་སྐད་དུ། འཕགས་མ་ཧེ་སྡུད་འབར་བའི་རྒྱུད་ཅེས་བྱ་བ། དཀོན་མཆོག
317b5 གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཛིན་པ་ཆེན་པོ་ལ་སོགས་པ། དེ་བཞིན་གཤེགས་པ་སྲས་དང་འཁོར་དུ་བཅས་པ་རྣམས་ཤེས་རབ་མའི་དབྱིངས
317b6 བྷ་ག་རྣམ་པར་དག་པའི་མཁའ་ལ་བཞུགས་སོ།། གཞན་ཡང་རྣལ་འབྱོར་དང་རྣལ་འབྱོར་མའི་ཚོགས་རབ་ཏུ་མང་པོ་དང་། རྣམ་པར་རོལ་ཅིང་བཞུགས་པ་འདི་ལྟ་སྟེ། རྣལ་འབྱོར་མ་ཧེ་སྡུད་ཆེན་མོ་དང་། རྣལ་འབྱོར
iiif viewer powered by OpenSeadragon
