| e-texts navigator |
| Wylie |
316b1 འཁོར་གྱི་དམ་པ་བརྒྱ་བྱིན་ཉོན།། ལྷ་དང་ལྷ་མིན་མི་དང་ནམ་མཁའ་ལྡིང་།། བགེགས་དང་གཤིན་རྗེ་མ་མོ་དང་།། ཤ་ཟ་ལྟོ་འཕྱེ་དྲི་ཟ་དང་།། སྲིན་པོ་གྲུལ་བུམ་བདུད་དམ་མི།། སྔགས་འཆང་རྣལ་འབྱོར་གནོད་སྦྱིན
316b2 དང་།། ང་ཡི་འཁོར་རྣམས་རབ་ཏུ་ཉན་པར་གྱིས།། ངས་ནི་རྡོ་རྗེ་ཏིང་འཛིན་ལྷུན་གྱིས་གྲུབ།། ངས་ནི་མཚན་མ་འཇོམས་པའི་ཕྱག་རྒྱ་རྙེད།། ངས་ནི་ཐུན་མོང་སྟོན་པའི་བདུད་ལས་རྒྱལ།། ངས་ནི་སྙིང་རྗེས་འགྲོ་ཀུན
316b3 དགེ་ལ་བཀོད།། ངས་ནི་ཐབས་དང་ཤེས་རབ་ཀུན་ལ་བྱེད།། ངས་ནི་རྡོ་རྗེ་མཁའ་འགྲོའི་གསང་རྒྱུད་འདི།། ཐུན་མོང་མ་ཡིན་མེ་ལྕེ་འབར་མ་འདི།། ངོ་མཚར་ཐབས་མཆོག་དངོས་གྲུབ་དམ་པའི་གཞི།། ངས་ནི
316b4 བཤད་ཟིན་ཁྱོད་ལ་རབ་ཏུ་གཏད།། སྐལ་ལྡན་དད་དང་བརྩོན་འགྲུས་ཡོད་ལ་གཏད།། སྙིང་རྗེ་གཞོལ་ཞིང་བརྟུལ་ཞུགས་ཆེ་ལ་གཏད།། བདེན་གཉིས་དོན་རྟོགས་ཡི་རངས་བརྟན་ལ་གཏད།། བརྣག་པའི
316b5 གཟུངས་ཐུབ་སྣོད་ལྡན་ཡོངས་ལ་གཏད།། ཟུང་ཤིག་ཆོངས་ཤིག་སྣོད་ལྡན་རྣམས་ལ་ཤོད།། འདི་ཡི་དོན་རྣམས་རྩེ་གཅིག་ཡིད་ཀྱིས་ཉོན།། འདིས་ནི་མི་ནུབ་ཆོས་ཀྱི་རྒྱལ་མཚན་ཆེན་པོ་ཐོབ།། འདིས་ནི་ཆོས་ཀྱི
316b6 དབང་ཕྱུག་གོ་འཕང་ཐོབ།། འདིས་ནི་ཡིད་བཞིན་རིན་ཆེན་འབར་བ་ཐོབ།། འདིས་ནི་ཅི་འདོད་ཐོགས་མེད་དངོས་གྲུབ་ཐོབ།། བློ་དམན་ཤེས་ཆུང་ཉན་ཐོས་རྣམས་ལ་གསང་།། ལོག་པའི་མཐར་འཁྱམས་མུ་སྟེགས
iiif viewer powered by OpenSeadragon
