| e-texts navigator |
| Wylie |
315b1 དངོས་གྲུབ་སྟེར།། གསེར་དང་དངུལ་དུ་འགྱུར་ཡང་རུང་།། ཡང་ན་དེ་ལ་རལ་གྲི་སྦྱིན།། ཅི་འདོད་ཕོ་ཉའི་མངག་གཞུག་བྱེད།། ཕྲིན་ལས་རྣམ་བཞི་གང་བཅོལ་འགྲུབ།། རྡོ་རྗེ་དཔལ་ལྡན་ལྷ་མོ་ལ།། གོ་རོ་ཙ་ནའི
315b2 སྦྱིན་སྲེག་དབུལ།། རིལ་བུ་ནད་པའི་ལུས་ལ་བསྐུ།། ནད་པ་རྣམས་ནི་འཚོ་བར་བྱེད།། ཡང་ནི་རྡོ་རྗེ་ལྷ་མོ་ལ།། ཆང་དང་གི་ཝང་སྦྱིན་སྲེག་དབུལ།། རིལ་བུ་བགྱིས་པ་ལྟེ་བར་བསྐུ།། སྲི་བུ་དག་ནི་འཚོ་བ་བའོ།། རྡོ་རྗེ
315b3 དཔལ་ལྡན་ནག་མོ་ལ།། ཏིལ་མར་སྐེ་ཚེའི་སྦྱིན་སྲེག་དབུལ།། རིལ་བུ་མེ་རུ་བསྲེགས་པ་ན།། དགྲ་ལ་ཐོག་དང་སེར་བ་འབེབས།། རྡོ་རྗེ་ལྷ་མོ་ནག་མོ་ལ།། མར་དང་མུ་ཏིག་སྦྱིན་སྲེག་དབུལ།། རིལ་བུ་དཔྲལ་བའི
315b4 དབྱིངས་སུ་བསྐུ།། རྒྱལ་པོའི་ཆད་པ་མི་འབྱུང་ཞིང་།། མེ་དང་ཆུས་ཀྱང་མི་ཚུགས་སོ།། རྡོ་རྗེ་མཁའ་འགྲོ་མ་ཀུན་ལ།། མེ་ཏོག་བུ་རམ་སྦྱིན་སྲེག་དབུལ།། རིལ་བུ་ལྟེ་བར་བསྐུས་པ་ན།། སྦྲུལ་དང་བཙན་གྱིས་མི
315b5 ཚུགས་སོ།། བྱད་སྟེམས་ཀྱང་ནི་བཟློགས་པར་འགྱུར།། མཁའ་འགྲོ་མ་མེ་ལྕེ་འབར་བའི་རྒྱུད་ལས་རྫུ་འཕྲུལ་བཅུ་དྲུག་གི་ལེའུ་སྟེ་བཅུ་དགུ་པའོ།། །། དེའི་ཚེ་འཁོར་འདུས་པའི་ནང་ནས། ལྷའི་དབང་པོ་བརྒྱ
315b6 བྱིན་སྟན་ལས་ལངས་ཏེ། དཔལ་ལྡན་ཕྱག་ན་རྡོ་རྗེ་ལ་བསྟོད་པ། བཅོམ་ལྡན་མགོན་པོ་རྡོ་རྗེ་འཛིན།། སྐུ་གསུང་ཡེ་ཤེས་ལྔར་ལྡན་ལྷ།། ཐབས་དང་ཤེས་རབ་བདག་ཉིད་ཅན།། རིག་སྔགས་གསང་སྔགས་དངོས་པོ
iiif viewer powered by OpenSeadragon
