| e-texts navigator |
| Wylie |
314b1 ཕྱག་ན་རྡོ་རྗེས་བཀའ་སྩལ་པ། མ་འོངས་ཕྱི་མའི་སེམས་ཅན་རྣམས།། དད་དང་སྤྲོ་བ་བསྐྱེད་པའི་ཕྱིར།། རྫུ་འཕྲུལ་བཅུ་དྲུག་བཤད་ཀྱིས་ཉོན།། དང་པོ་ལྷ་ཡི་རྣལ་འབྱོར་ལ།། དྲོད་དང་མཚན་མ་ཐོབ་པར་བྱ།། དེ
314b2 ནས་འཕྲུལ་ལ་འཇུག་པ་ནི།། ཨ་ནུ་ས་ཏིའི་རིལ་བུ་སྦྱར།། རྨ་བྱ་ཁྲུང་ཁྲུང་ནེ་ཙོ་ཤ། ཉ་དང་སྤྲེའུ་དང་བྱི་ལའི་ཤ། རྔ་མོ་ཁྲ་ཏ་ངང་པའི་ཤ། ནེའུ་ལེ་སོ་བྱ་མཐིང་རིལ་ཤ། དེ་རྣམས་སྐམས་པའི་ཕྱེ་མ་དང་།། བིལ་བའི
314b3 ཤིང་དང་ཨ་རུ་ར།། ཤིང་ཚ་སུག་སྨེལ་རུས་སྦལ་རུས།། ཀ་ཀ་རུ་དང་མེ་ཁྱེར་སྲིན།། མི་རུས་དང་ནི་ཕག་རྒོད་ཁྲག། མི་རྒོད་སྐྲ་དང་ཆུ་ཀླག་སྒོ།། དེ་རྣམས་བསྲེས་ལ་རིལ་བུ་བྱ།། སྦྲང་རྒོད་དག་གིས་མགོ་བསྡུས
314b4 ལ།། དུར་ཁྲོད་ཐོད་པའི་ག་འུར་སྩལ།། ཕྱག་ན་རྡོ་རྗེའི་སྙིང་པོ་དང་།། མ་མོའི་སྲོག་སྙིང་བདུན་འབུམ་བཟླས།། བར་བར་བྲམ་ཟེའི་མེ་ལ་བསྲོ།། དེ་ནས་སྣ་ཡི་རིལ་བུ་ལ།། འོད་དང་མེ་སྟག་འཕྲོས་ཙམ་ན།། ཟངས
314b5 སམ་ལྕགས་ཀྱི་ག་འུར་སྩལ།། དེ་ནས་རྡོ་རྗེ་མཁའ་འགྲོ་ལ།། དུག་དང་ཁྲག་གི་སྦྱིན་སྲེག་དབུལ།། ཨ་བུ་སི་ཏིའི་རིལ་བུ་དེ།། རང་གི་ལྕེ་ལ་མྱངས་པ་ན།། རྟག་ཏུ་བཙན་དུག་འཐུང་བར་ནུས།། ཡང་ན་མ་མོ་མཁའ
314b6 འགྲོ་ལ།། སོ་བྱ་རོག་མོའི་སྦྱིན་སྲེག་དབུལ།། ཨ་བུ་སི་ཏིའི་རིལ་བུ་དེ།། རྐང་པའི་མཐིལ་དུ་བསྐུས་པ་དེས།། ཆུ་ཡི་སྟེང་དུ་འགྲོ་བར་བྱེད།། མ་མོ་མཁའ་འགྲོ་དཔོན་གཡོག་ལ།། ཆང་དང་བྱ་རྒོད་སྦྱིན་སྲེག
iiif viewer powered by OpenSeadragon
