| e-texts navigator |
| Wylie |
314a1 ན་རྡོ་རྗེ་དེས་གསང་བའི་ཐུགས་ཀ་ནས། ཡེ་ཤེས་འབྱུང་བ་ཞེས་བྱ་བའི་འོད་ཟེར་བཀྱེ་ནས་འཛུམ་པའི་མདངས་ཀྱིས་འདི་སྐད་ཅེས་བཀའ་སྩལ་ཏོ།། ཡེ་ཤེས་རྡོ་རྗེ་ཐིག་ལེ་ནི།། ཐུན་མོང་མ་ཡིན་ཤེས
314a2 པར་དཀའ།། དོན་དམ་ཀུན་རྫོབ་གཉིས་སུ་བཤད།། དོན་དམ་སེམས་ཀྱི་སྤྱོད་ཡུལ་ལོ།། ཀུན་རྫོབ་ལས་ཀྱི་ཕྱག་རྒྱ་དངོས།། རྒྱལ་རིགས་བུ་མོ་དེ་ལ་བསྟེན།། རང་རིག་རྩལ་གྱིས་རླུང་གཡོས་ཏེ།། རླུང་གི་ཐིག་ལེ་ཡེ
314a3 ཤེས་མེ།། རྡོ་རྗེ་གསང་བས་ས་བོན་བསྐུལ།། རྟོག་མེད་གསང་བའི་ཐིག་ལེ་ལ།། མི་བསྐྱོད་མཉམ་པར་སེམས་གཏད་ན།། མར་མེའི་རྩེ་མོ་ལྟ་བུར་བརྟན།། གནས་པའི་རྩ་ཡི་ནམ་མཁའ་ལ།། སྲོག་འདྲེན་ཐིག་ལེ
314a4 བསྒོམ་པའི་ཚེ།། བརྟན་དང་གཡོ་བའི་དངོས་པོ་ཀུན།། བདེན་གཉིས་བྱང་ཆུབ་དོན་གསལ་ནས།། དང་། དྭངས་བའི་ཆུ་ལ་གཟུགས་བརྙན་བཞིན།། རྒྱལ་བའི་གོ་འཕང་རང་ལ་འཆར།། མཁའ་འགྲོ་མ་ཡི་རང
314a5 བཞིན་འགྲུབ།། ལྷན་ཅིག་སྐྱེས་པའི་ལྷ་མོའི་དོན།། མཁའ་འགྲོ་མ་མེ་ལྕེ་འབར་བའི་རྒྱུད་ལས་ཡེ་ཤེས་ཀྱི་ཐིག་ལེ་བཤད་པའི་ལེའུ་སྟེ་བཅཝ་བརྒྱད་པའོ།། །། དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག
314a6 ན་རྡོ་རྗེ་ལ་འདི་སྐད་ཅེས་གསོལ་ཏོ།། བགེགས་ཀྱི་གཙོ་བོ་དབང་ཕྱུག་རྗེ།། འགྲོ་བ་ཐུགས་རྗེས་བསྐྱང་བའི་ཕྱིར།། བཅུ་དྲུག་རྡོ་རྗེ་འཕྲུལ་གྱི་རྒྱུད།། དཔའ་བོ་ཆེན་པོས་བཤད་དུ་གསོལ།། ཞེས་ཞུས་པ་དང་། དཔལ
iiif viewer powered by OpenSeadragon
