| e-texts navigator |
| Wylie |
312b1 བརྒྱབ་ཀྱང་ཕུང་བར་བྱེད།། ནག་མོ་འབར་བའི་ཐུན་དྲུག་འདིས།། མཁར་ལ་བརྒྱབ་ཀྱང་འཇིག་པ་ལ།། གཡུལ་ངོ་ཆེན་པོར་བརྒྱབ་ཀྱང་བཟློག། གཞན་གྱི་བྱད་དང་སྔགས་ཀྱང་བཟློག། དགྲ་དང་བགེགས་ལ་ཐེ
312b2 ཚོམ་མེད།། ཡང་ནི་བཤད་ཀྱིས་བརྒྱ་བྱིན་ཉོན།། བསྟན་པ་གཉེན་པོའི་སྐུ་དགྲ་ལ།། ལྟས་ངན་བྱ་ནག་དབབ་པ་སྟེ།། དང་པོ་བྱ་ནག་བཟུང་བྱས་ལ།། བཅུ་གཉིས་དབང་གི་རིམ་པ་བསྐུར།། དེ་ནས་བྱ་ལ་མ་མོ
312b3 དབབ།། བྱ་དེ་མིག་རྩ་རྒོད་པ་དང་།། སྐད་འབྱིན་གཤོག་པ་གདེང་བ་ན།། མ་མོ་ཕེབས་པའི་རྟགས་ཡིན་པས།། ཕྱི་དང་ནང་གི་མཆོད་པ་བྱ།། ཕྱག་རྒྱ་དགུ་ནི་རབ་བསྟན་ལ།། དབང་བསྐུར་དམ་ཚིག་སྦྱིན་པར
312b4 བྱ།། དེ་ནས་མ་མོ་བསྐུལ་སྔགས་བཟླས།། ལས་ལ་བསྐུལ་བའི་དམ་རྫས་བསྲེག། སྔགས་འདིས་བྱ་དེ་སྦར་ལ་གཏང་།། ཨོཾ་ཀྵ་རག་ཤ་ཙི་ཏ་ཁ་རག་མ་ཙིཏྟ་ཏུང་ཏུང་ཛ་ཤ་ཡུ་ཏ་ཏི་བྷྱོ། རེ་མ་ཏི་རཱཀྵ་སི་རུ་ལུ་རུ་ལུ་པྲ་མ
312b5 མ་ཧཱ་སྟི་པྲ་དུང་བྷྱོ། ཀ་ར་མ་ས་མ་ཡ་བྷྱོ་བྷྱོ་བྷྱོ་ཞེས་གཏང་ངོ་།། དེས་ནི་བྱ་ནག་གང་དུ་སྨོས་པར་འགྲོའོ།། མཁའ་འགྲོ་མ་མེ་ལྕེ་འབར་བའི་ལས་ཀྱི་རྒྱུད་ལས་ལས་སོ་སོ་མ་མོའི་བྱེ་བྲག་བསྟན་པའི་ལེའུ་སྟེ་བཅུ་དྲུག
312b6 པའོ།། །། དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཀྱེ་རིག་སྔགས་གསང་སྔགས་བདག་པོ་གསང་དབང་པོ།། ཕྱག་ན་རྡོ་རྗེ་ཐིག་ལེ་བསྟན་པ་བསྲུང་བ་ཡི
iiif viewer powered by OpenSeadragon
