| e-texts navigator |
| Wylie |
312a1 མར་སྒོང་ཐུན་གདབ་སྔགས་བཟླས། ཁ་མུན་ཏྲ་བ་ཏྲ་བ་ཏྲག་ཤ་རག་མོ་ཏེ་ཀེ་མ་ཛཱ་ཛཱ། ཁ་རག་ཏེ་ཀེ་མ་བྷྱོ་བྷྱོཿདེ་ནས་སྒོ་ང་ཁ་བཅད་ལ།། ཧསྟ་ལག་པར་བཅུག་ལ་འཕང་།། མཁར་ལ་བརྒྱབ་ཀྱང
312a2 འཇིག་པར་ནུས།། དགྲ་ལ་འཕང་ན་ཐེ་ཚོམ་མེད།། བྱི་ཤ་ནག་མོའི་དུག་ཐུན་ནི།། མ་ཧེའི་རྭ་འམ་པ་མེན་རུ།། མདའ་དུག་བཙན་དུག་ལོ་དུག་དང་།། རིམས་ནད་ཁྲག་དང་ཆང་བླུགས་ལ།། རཱ་རུ་ནང་ཉིད་ཁར་བཅུག
312a3 ལ།། དང་ལ་མཁའ་འགྲོའི་སྙིང་པོ་དང་།། ལས་ལ་བསྐུལ་སྔགས་མིང་དང་བཅས།། དེ་ནས་དུག་གི་དཔལ་སྔགས་བཟླས།། ཧཱུཾ་རེ་མ་ཏི་མ་མ་རུ་ལུ་རག་ཥ་བྷྱོ། རེ་མ་ཏི་བྱི་ཤི་མ་ཡ་སྟ་ཡཀྐ་ཀྲོ་དྷ་ཆེ་གེ་མོ་མཱ་ར་ཡ་ཕཊ།
312a4 རྭ་རྩེ་ཕྲ་མོ་བཅད་པར་ནི།། དུག་གི་ཁུ་བ་མི་མགོས་གཏིང་།། མི་མགོ་དུག་གིས་ཁེངས་ཙམ་ན།། མ་མོ་བསྐུལ་བའི་རྫས་བསྲེགས་ལ། ཁྲམ་བམ་ཕྱག་རྒྱ་བཅས་ལ་ནི།། ནམ་ཕྱེད་ཁྲོས་ཏེ་དགྲ་ལ་འཕང་།། ཐེ་ཚོམ
312a5 མེད་པར་དགྲ་བརླག་གོ། ཙིཏྟ་ནག་མོའི་སྙིང་ཐུན་ནི།། སྤྱང་ཀི་སྟག་དང་སྲེ་མོང་སྙིང་། ཁྱི་དང་འུག་པ་ཝ་ཡི་སྙིང་།། ཕོ་རོག་ཁྲག་དང་སྦྲུལ་གྱི་སྙིང་།། ཐོད་པའི་ནང་དུ་སྩལ་ལ་ནི།། དང་པོ་མ་མོ་དཔོན་གཡོག
312a6 གི། གནད་ལ་བསྐུལ་བའི་སྔགས་བཟླས་ཤིང་།། མ་མོ་བསྐུལ་བའི་དམ་རྫས་བསྲེག། དེ་ནས་སྙིང་གི་ཐུན་སྔགས་ནི།། ཏྲག་རགྣ་ཙི་ཏ་དུང་རོ་ཏ་མ་ཏ་སྨ་ར་ར་ཏ་བྷྱོ།། དེ་སྐད་བཟླས་པའི་སྙིང་ཐུན་དེས།། གྲོང་ལ
iiif viewer powered by OpenSeadragon
