| e-texts navigator |
| Wylie |
307b1 སྤོས་དང་འོ་མ་དང་།། མར་ཁུ་ཏིལ་དང་འབྲས་ཆན་དང་།། ཨ་ག་རུ་དང་དུ་རུ་སྐ།། གང་ལ་བྱ་བའི་མིང་དང་བཅས།། རིལ་བུ་ཁྲི་ཚོ་གཅིག་བྱས་ལ།། ཞི་བའི་ཐབ་ཁུང་ཟླུམ་པོ་དང་།། འོ་མ་ཡོད་པའི་ཤིང་བརྩིགས
307b2 ལ།། མཁའ་འགྲོ་མ་རྣམས་དཀར་པོ་ལ།། བདུད་རྩིའི་བུམ་པ་ཐོགས་ནས་ཀྱང་།། གང་ལ་བྱ་བའི་སྤྱི་བོ་ནས།། དབང་བསྐུར་ལུས་པོ་ཞི་བར་བསྒོམ།། མེ་སྦར་རིལ་བུ་རིམ་གྱིས་བསྲེག། གོང་མའི་སྲོག་སྙིང་བཟླས
307b3 ཤིང་དབུལ།། སྲོག་གི་སྙིང་པོའི་གཞུག་རྒྱན་དུ།། ཤིནྟིཾ་ཀུ་རུ་སྭཱ་ཧཱ་བཟླས།། འབུམ་ཚོ་བཞི་རུ་བཟླས་བྱས་ལ།། བདུད་དང་བགེགས་རྣམས་ཞི་བ་དང་།། དགྲ་དང་ནད་ཡམས་ཞི་བར་བྱེད།། རྒྱས་པའི་ལས་སུ་བྱ་བ
307b4 ནི།། གུར་གུམ་སྟརྒའི་རྒུན་འབྲུམ་དང་།། ཨུཏྤལ་མར་ཁུ་གིའུ་ཝང་དང་།། བདུད་རྩི་ལྔ་དང་དཔག་བསམ་ཤིང་།། གང་ལ་བྱ་བའི་མིང་དང་བཅས།། ཁྲི་ཚོ་གཉིས་ཀྱི་རིལ་བུ་བྱ།། རྒྱས་པའི་ཐབ་ཁུང་གྲུ་བཞི
307b5 པ།། འབྲས་བུ་ཡོད་པའི་ཤིང་བརྩིགས་ལ།། གཙོ་བོ་ཕྱག་ན་རྡོ་རྗེ་དང་།། མཁའ་འགྲོ་མ་ཀུན་སེར་པོ་ལ།། རིན་ཆེན་མཛོད་དང་བུམ་པ་ཐོགས།། གང་ལ་བྱ་བའི་སྙིང་ག་རུ།། དབང་བསྐུར་ཕུང་པོ་རྒྱས་པར་ཤོག། མེ
307b6 སྦསྤར་རིལ་བུ་རིམ་གྱིས་དབུལ།། ཨོཾ་ཙཎྜ་མ་ཧཱ་རོ་ཥ་ཧཱུཾ། ཁ་མུནྟ་བ་ཏྲ་བ་ཏྲ་ཏྲག་རག་མོ་པུཀྵིངྐུ་རུ་སྭཱ་ཧཱ།། འབུམ་ཚོ་བརྒྱད་དུ་བཟླས་པ་བྱ།། ཚེ་དང་རིགས་རྒྱུད་འཕེལ་བར་བྱེད།། ནོར་དང་ལོངས་སྤྱོད་འཕེལ་བར
iiif viewer powered by OpenSeadragon
