| e-texts navigator |
| Wylie |
307a1 པར་བྱ།། ཕྱི་དང་ནང་གི་དྲོད་ཚད་མཚན་མ་དབབ།། མཚན་མ་ཕེབས་ནས་ཐུགས་ཀྱི་དམ་ཚིག་དབབ།། དམ་ཚིག་བསྲེ་བའི་གསང་བའི་དབང་བསྐུར་རོ།། དེས་ནི་མཁའ་འགྲོ་མངོན་དུ་འགྲུབ་པར
307a2 བཤད།། མ་མོ་མཁའ་འགྲོ་ཐུགས་ཀྱི་གསང་རྒྱུད་འདི།། དབང་དང་དམ་ཚིག་མེད་པའི་སློབ་མ་ལ།། ཚིག་གཅིག་བསྟན་ཡང་ཚེ་ཡི་འདུ་བྱེད་བསྐུལ།། མྱུར་དུ་ཤི་ནས་རྡོ་རྗེས་དམྱལ་བར་སྐྱེ།། དེ་བས་དབང་བསྐུར
307a3 གནང་བ་ཐོབ་ལ་སྦྱིན་པར་བཤད།། མཁའ་འགྲོ་མ་མེ་ལྕེ་འབར་བའི་རྒྱུད་ལས་དབང་བསྐུར་བའི་ལེའུ་སྟེ་བཅཝ་ལྔ་པའོ།། །། དེ་ནས་ལྷའི་དབང་པོ་བརྒྱ་བྱིན་དེས།། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ
307a4 ཏོ།། ཀྱེ་མ་ཕྱག་ན་རྡོ་རྗེ་ཆེ།། ངོ་མཚར་བྱིན་བརླབས་རྣམས་ཀྱི་མཆོག། ལྷ་མོ་གྲུབ་པའི་རྣལ་འབྱོར་པའི།། ལས་ཀྱི་རིམ་པ་བཤད་དུ་གསོལ།། ཅེས་གསོལ་པ་དང་། དཔལ་རྡོ་རྗེ་འཛིན་པས་བཀའ་སྩལ་པ། ཉོན་ཅིག
307a5 ལྷ་ཡི་དབང་པོ་བརྒྱ་བྱིན་ཉོན།། ལྷ་མོའི་གྲུབ་པ་ཐོབ་པའི་རྣལ་འབྱོར་པས།། སོ་སོའི་ལས་ལ་ཆེད་དུ་མ་བརྩམས་ཀྱང་།། ཡིད་ལ་ཅི་འདོད་བསམས་པ་ཙམ་གྱིས་འགྲུབ།། འོན་ཀྱང་ཆེད་དུ་སྒྲུབ་པ་རྩོམ་པ་ན།། ལས
307a6 ཀྱི་བྱེ་བྲག་དམ་པ་ངས་བཤད་དོ།། མ་མོ་གྲུབ་པ་རྣམས་ཀྱིས་བྱ་བ་ཡིན།། དང་པོའི་ལས་ཅན་རྣམས་ཀྱིས་མི་བརྩམ་མོ།། བརྒྱ་བྱིན་ཉོན་ཅིག་ཞི་བའི་ལས་ཀྱི་ཁྱད་པར་ནི།། བུ་རམ་སྦྲང་རྩི་གིའུ་ཝང་དང་།། གུ་གུལ
iiif viewer powered by OpenSeadragon
