| e-texts navigator |
| Wylie |
306b1 ལེ་བསྒོམ་དུ་གཞུག། ཨོཾ་ཙཎྜ་མ་ཧཱ་རོ་ཥ་ཎ་ཧཱུཾ་ས་མ་ཡ་པྲ་ཐཱ་རུ་རུ་རོ་རུ་ཙ་པ་ལ་ཨ་ཤུག་མེ་ས་མ་ཡ་པྲ་ཐཱ། ཁ་མུནྨ་པྲ་མ་ཡ་མ་ཏིསྟི་པྲ་ཡོ་ག་སིདྡྷི་ས་མ་ཡ་པྲ་ཐཱ། ཨཱ་བེ་ཤ་ཨ། དྲག་ཏུ་མ་མོ་བསྐུལ་ཞིང་དབབ་པར
306b2 བྱའོ།། ཕེབས་པར་དཀའ་ན་གནད་ལ་འབེབས་རྫས་བསྲེག། ལན་གསུམ་མ་མོ་འབུམ་གྱིས་ངེས་པར་ཕེབས།། བཟང་ངན་ལེགས་ཉེས་མཚན་མ་ཐལ་ཐལ་སྨྲའོ།། ཡང་ན་མི་སྨྲ་བར་ཡང་ཕེབས་པར་བྱེད།། དེ་ནས
306b3 བུ་མོ་དེ་ཡི་ལུས་པོ་ལ།། སྤོས་དང་མེ་ཏོག་མར་མེ་དྲི་ཆབ་ཀྱིས།། དང་པོ་ལ་ནི་ཕྱི་ཡི་མཆོད་པ་བྱ།། ཤ་ལྔ་བདུད་རྩི་ལྔ་དང་བཟའ་བཏུང་གིས།། དེ་ནས་གཉིས་པ་ནང་གི་མཆོད་པ་དབུལ།། གསང་བའི་མཆོད་པ་ཁུ
306b4 བའི་ཐིག་ལེ་དེས།། དང་པོས་གཙོ་བོ་རྡོ་རྗེ་འཛིན་པ་མཆོད།། གཉིས་པས་ལྷ་མོ་དཔོན་གཡོག་མཆོད་པར་བྱ།། གསུམ་པས་ཁུ་བ་བདག་བཏུང་དངོས་གྲུབ་བླང་།། གཟུངས་མ་མཁའ་འགྲོ་ཡིན་པར་ངེས་བསྐྱེད
306b5 ལ།། གཟུངས་མའི་ལྕེ་ལ་གཞག་ལ་དམ་ཚིག་བསྲེ།། དེ་ནས་ཐིག་ལེ་སློབ་མའི་ལྕེ་ལ་གཞག། དེ་ནས་མ་མོ་ཐུགས་ཀྱི་དབང་སྦྱིན་ནོ།། དེ་ནས་བུ་མོ་དེ་ཡི་མདུན་དུ་ནི།། དབང་གི་རྟགས་སུ་ཟླ་གམ་དམར་པོ
306b6 བརྩིག། དེ་ནས་སློབ་མ་སྟེགས་བུའི་ཁ་ལ་གཞག། མཁའ་འགྲོ་ཀུན་ལ་སྦྱིན་སྲེག་གཏོར་མ་དབུལ།། དེ་ནས་བུ་མོ་ཤེས་རབ་མ་དེ་ཡིས།། མ་མོ་འདོད་ཀྱི་སློབ་མ་དེ་ལ་དབབ།། མ་མོ་བསྐུལ་བའི་རྫས་རྣམས་བསྲེག
iiif viewer powered by OpenSeadragon
