| e-texts navigator |
| Wylie |
305b1 རྟག་ཏུ་བསྟེན་པའི་ལེའུ་སྟེ་བཅུ་བཞི་པའོ།། །། དེ་ནས་དཔལ་ཕྱག་ན་རྡོ་རྗེ་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།། ཀྱེ་དཔལ་འབར་ཆེན་མོ་ཉི་མ་སྟོང་གི་གཟི།། རྡོ་རྗེ་ལྷ་མོ་མཁའ་འགྲོ་མ
305b2 དཔལ་གྱི་ལྷ་མོའི།། པྲ་རྟགས་དབབ་དང་སློབ་མ་དབང་བསྐུར་བའི།། མ་མོ་དབབ་པའི་གསང་སྔགས་བདག་ལ་ཤོད།། ཅེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། ལྷ་མོ་འབེབས་ཤིང་སློབ་མ
305b3 དབང་བསྐུར་བའི།། སློབ་དཔོན་ཉིད་ཀྱིས་མ་མོ་གྲུབ་པ་གཅེས།། དེ་ནས་མ་མོ་གྲུབ་པའི་སློབ་དཔོན་དེས།། དུར་ཁྲོད་ཆེན་པོར་ཞག་བདུན་བསྙེན་པ་བྱ།། སྔགས་དང་མན་ངག་རྫས་སུ་ལྡན་པར་བྱ།། དང་པོ་རང་ལ
305b4 མ་མོ་ཕེབས་པར་དབབ།། དེ་ནས་སློབ་མ་དཀྱིལ་འཁོར་འཇུག་པ་དང་།། མེ་ཏོག་དོར་དང་ལྷ་ངོ་བསྟན་བྱ་དང་།། དཔལ་ཕྱག་ན་རྡོ་རྗེའི་དབང་བཞི་བསྐུར།། དང་པོ་རྡོ་རྗེ་རྩེ་ལྔ་འབར་བའི་དབང་།། གཉིས་པ་ཤེས
305b5 རབ་དྲིལ་བུ་དག་གི་དབང་།། དེ་བཞིན་གསུམ་པ་ལ་ནི་དབུ་རྒྱན་ཏེ།། བཞི་པ་རིགས་ལྔ་ཡེ་ཤེས་ལྔ་ཡི་དབང་།། དེ་ནས་ལྷ་མོ་ནག་མོའི་དབང་བཞི་བསྐུར།། དང་པོ་ལ་ནི་ཐོད་པའི་དབང་།། གཉིས་པས་ཤེས་རབ
305b6 རལ་གྲིའི་དབང་བསྐུར་ཏེ།། གསུམ་པ་ལ་ནི་ནེའུ་ལེའི་རྐྱལ་བུའོ།། དེ་བཞིན་བཞི་པ་དཔའ་བོ་ཧསྟ་སྦྱིན།། དེ་ནས་རེ་མ་ཏི་ཡི་དབང་བཞི་བསྐུར།། དང་པོ་དུར་ཁྲོད་གཡང་གཞིའི་དབང་།། གཉིས་པ་རྡོ་རྗེ་ཌ་མ་རུ་ཡི
iiif viewer powered by OpenSeadragon
