| e-texts navigator |
| Wylie |
305a1 ཤིང་ཐུགས་དམ་སྐོང་བའི་ལེའུ་སྟེ་བཅུ་གསུམ་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། དྲག་པོ་དཔལ་འབར་གནོད་སྦྱིན་ཁྲོས
305a2 པའི་གཙོ།། རྡོ་རྗེ་མཁའ་འགྲོའི་དངོས་གྲུབ་བསྒྲུབ་འདོད་པས།། རྟག་ཏུ་བསྟེན་པ་རྡོ་རྗེ་འཛིན་པས་ཤོད།། ཅེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ།། ཉོན་ཅིག་མཁའ་འགྲོ་རྟག་ཏུ་བསྟེན་པ
305a3 ནི།། དང་པོ་གྲུབ་ཅིང་མཚན་མ་ཐོབ་པ་གཅེས།། དེ་ནས་ཕྱི་ནང་གསང་བ་གསུམ་དུ་བསྟན།། དཔོན་མོའི་ཕྱི་ཡི་རྟེན་ནི་རྨ་བྱའོ།། རྨ་བྱའི་སྙིང་གར་བྷྱོ་ལས་ལྷ་མོ་བསྐྱེད། ཁོལ་མོའི་ཕྱི་ཡི་རྟེན་ནི་བྱ་ནག་མོ།། སྙིང་གར
305a4 བྷྱོ་ལས་རེ་མ་ཏི་བསྐྱེད་ལ།། རྨ་བྱ་དེ་མོ་ནག་གམ་ཤེལ་ནག་ལ།། སྣ་ལ་མ་མོ་དཔོན་གཡོག་ལེགས་པར་དབབ།། དེ་ནས་ཕྱི་ནང་གསང་བའི་དབང་བསྐུར་ལ།། དུས་སུ་གཏོར་མས་མཆོད་ཅིང་རྟེན་དུ་བཟུང་།། ནང
305a5 གི་རྟེན་ནི་སྐུ་དང་གསང་མཚན་ནོ།། རང་གི་གཟུགས་དང་གསང་མཚན་ཁ་སྤྲད་ལ།། བར་དུ་རུ་ཏི་རྡོ་རྗེ་པདྨ་མི།། གསང་བ་ག་བུར་སྩལ་ཏེ་ལུས་ལ་བསྲེལ།། གསང་བའི་རྟེན་ནི་ལྷན་ཅིག་གྲུབ་པའི་ལྷ།། གསང་བ་ཡེ
305a6 ཤེས་ཐིག་ལེ་མ་མོར་བལྟའོ།། དེ་ནས་རྟག་ཏུ་སྔགས་དང་ཕྱག་རྒྱ་དང་།། ཏིང་འཛིན་རྫས་དང་དམ་ཚིག་མི་སྤོང་ངོ་།། རྟག་ཏུ་ཟས་ཀྱི་ཕུད་ཀྱིས་བསྟེན་པར་བཤད།། མཁའ་འགྲོ་མ་མེ་ལྕེ་འབར་བའི་རྒྱུད་ལས་མ་མོ
iiif viewer powered by OpenSeadragon
