| e-texts navigator |
| Wylie |
304b1 ཅིང་བསྟིམ་བྱས་ལ།། མི་རུས་སོར་བརྒྱད་ཕུར་པ་ཡིས།། མི་གཡོ་མགོན་པོར་གསལ་བསྒོམས་གདབ།། མཚན་མ་ངན་པ་བཟློག་སྔགས་བཟླས།། དེ་སྟེང་རྡོ་བ་ནག་པོ་ལ།། རི་རབ་རྡོ་རྗེ་རྒྱ་གྲམ་བྲི།། འབྲུབ་ཁུང་དེ
304b2 ཡི་ཁ་བཅད་ལ།། དེ་སྟེང་སྐུ་གདུང་ནག་པོ་བརྩིག། དེ་ནི་དམ་སྲི་མནན་པར་བཤད།། རྣལ་འབྱོར་དམ་ཚིག་ཉམས་པ་ལ།། མཁའ་འགྲོ་མ་ཡི་ཆད་པ་འབྱུང་།། ཉམས་ཚད་ཆེན་བཀའ་ཆད་ཆེ།། བསྒྲུབ་པ་གྲུབ་རྟགས
304b3 མེད་པ་དང་།། རང་ཉིད་སྲོག་ལ་བབ་པའོ།། ཉམས་པ་འབྲིང་གི་བཀའ་ཆད་ནི།། འཁོར་ལ་རྐྱེན་དང་རིམས་ནད་འབྱུང་།། ཉམས་པ་ཐ་མའི་བཀའ་ཆད་ནི།། དགྲ་དང་ནོར་ལ་གོད་ཁ་འབྱུང་།། དེ་ནས་ཉམས་པ
304b4 བསྐང་བ་བསྟན།། ཉམས་པ་ཆེན་པོ་བསྐང་བ་ནི།། གཏོར་མ་ཁྲི་དང་སྦྱིན་སྲེག་ཁྲི།། དེ་བཞིན་ར་ཙ་གསུམ་གྱིས་བསྐང་།། དེས་ཀྱང་སྐོངས་པར་མི་འགྱུར་ན།། དང་པོ་མཁའ་ལྡིང་གསུམ་གྱིས་བསྐང་།། དེ་ནས་ཤེལ
304b5 ནག་གསུམ་གྱིས་བསྐང་།། བཀའ་ཆད་འབྲིང་པོ་བྱུང་བ་ན།། གཏོར་མ་སྟོང་དང་སྦྱིན་སྲེག་སྟོང་།། མཁའ་ལྡིང་གཉིས་དང་སྤྱི་ནག་གཉིས།། དེ་བཞིན་ར་ཙ་གཉིས་ཀྱིས་བསྐང་།། མདངས་ཀྱི་མར་མེ་བཅཝ་བརྒྱད
304b6 དབུལ།། བཀའ་ཆད་ཐ་མ་བྱུང་བ་ན།། གཏོར་མ་བརྒྱ་དང་སྦྱིན་སྲེག་བརྒྱ།། མཁའ་ལྡིང་གཅིག་དང་ཤེལ་ནག་གཅིག། ར་ཙ་གཅིག་གིས་སྐོངས་པར་བཤད།། མཁའ་འགྲོ་མ་མེ་ལྕེ་འབར་བའི་རྒྱུད་ལས་སྤོགས
iiif viewer powered by OpenSeadragon
