| e-texts navigator |
| Wylie |
304a1 སྙིང་གར་རྡོག་པས་མནན།། ཙིཏྟ་ཛྭ་ལ་རཾ་ཞེས་པས།། བདག་གི་ཞལ་ནས་མེ་བྱུང་བས།། མ་མོ་ཐུལ་གྱིས་བསྲེགས་པར་བསམ།། མ་མོའི་ས་བོན་མཾ་ནག་མོ།། བདག་གི་ཞབས་འོག་རྒྱུད་པ་ལས།། མ
304a2 མ་རུ་ལུ་ཞེས་བརྗོད་པ་ལས།། བདག་ཉིད་དཔལ་གྱི་ཞབས་འོག་ནས།། ལྷ་མོ་ནུས་པའི་ཐོད་ཕྲེང་ཅན།། ཐལ་མོ་སྦྱར་ནས་འདུག་པར་བསྒོམ།། རྟ་མགྲིན་ཕྱག་རྒྱས་དབང་དུ་བསྡུ། ཁྱུང་གཤོག་ཕྱག་རྒྱས་ཟིལ་གྱིས
304a3 མནན།། གནད་ལ་གདབ་པའི་དམ་རྫས་བསྲེག། དེ་ལྟར་ལན་ཅིག་བསད་པ་དེས།། གཟུགས་ནི་རྡོག་པའི་འོག་ནས་དབྱུང་།། བྱང་ཤར་མཚམས་སུ་བཞུགས་སུ་གསོལ།། སྨྲེ་བཤགས་བྱ་ཞིང་གདུང་གླུ་བླང་།། བདུད
304a4 རྩི་རྣམ་པ་ལྔ་ཡིས་གསོ།། མཚང་ནས་བྲུ་ཞིང་གནད་ནས་བསྐུལ།། དེ་ནས་བསྒྲུབ་པ་བསྒྱུར་ལ་བརྩམ།། ཐེ་ཚོམ་མེད་པར་འགྲུབ་པར་འགྱུར།། བསྙེན་པ་ཞག་གྲངས་ཉུང་བ་ན།། མི་རུས་སམ་ནི་རུ་རག་ཤ། ལུང་ཟང
304a5 དག་གི་ཕྲེང་བ་ལ།། མ་ཡེངས་གྲངས་ཀྱི་བསྙེན་པ་ནི།། འབུམ་ཚོ་བདུན་དུ་བཟླས་ཀྱང་རུང་།། ཡང་ན་མཚན་མའི་བཟླས་པ་ཤིས།། བགེགས་ཀྱིས་བར་དུ་གཅོད་པ་ན།། གྲུ་གསུམ་ཨེ་དོང་ནག་པོ་བརྐོ།། མི་ཁྱི་ཕག
304a6 གི་ཆག་ཆག་གདབ། ཁམས་རྫ་ཡི་ལིངྒ་ལ།། སྙིང་གར་དམ་སྲིའི་མིང་བྲིས་ལ།། རབས་ཆད་ནག་པོའི་ཐོད་པར་གཞུག། ཐོད་པ་དོང་གི་ནང་དུ་གཞུག། འབར་བའི་དཀྱིལ་འཁོར་གསལ་བར་བསྒོམ།། དམ་སྲི་བཀུག
iiif viewer powered by OpenSeadragon
