| e-texts navigator |
| Wylie |
303b1 འབྲེལ་དང་།། བསྙེན་པ་ཞག་གྲངས་ཉུང་བ་དང་།། བགེགས་ཀྱིས་བར་དུ་གཅོད་པ་དང་།། རྣལ་འབྱོར་དམ་ཚིག་ཉམས་པ་བཞི།། བསྒྲུབ་ཐག་རིང་བའི་རྒྱུ་བཞི་ཡིན།། དེ་བཞིན་མཚན་མ་ངོས་བཟུང་སྟེ།། སྔོན་གྱི
303b2 ལས་འཕྲོས་མ་འབྲེལ་ན།། བསྒྲུབས་ཀྱང་དངོས་གྲུབ་མཚན་མ་མེད།། བཟླས་བརྗོད་བསྙེན་པ་གྲངས་ཉུང་ན།། གྲུབ་རྟགས་འོང་ཞིང་ལས་མི་ཉན།། བགེགས་ཀྱིས་བར་དུ་གཅོད་པ་ན།། སྙིང་མི་དགའ་ལ་འགྲོ་ཞིང
303b3 འཇིགས།། རྣལ་འབྱོར་དམ་ཚིག་ཉམས་པ་ན།། བར་ཆོད་རྐྱེན་དབང་དྲག་པོ་འབྱུང་།། འོན་ཀྱང་མི་གཞག་བསྒྱུར་ཞིང་བསྒྲུབ།། སྔོན་གྱི་ལས་འཕྲོས་མ་འབྲེལ་ན།། དང་པོ་བསྙེན་པ་ཡུན་རིངས་ལ།། དེ་ནས་གནད
303b4 ལ་དབབ་པ་ནི།། བསྒྲུབ་པའི་དཀྱིལ་འཁོར་བྱང་ཤར་དུ།། དུར་ཁྲོད་ས་ལ་གྲུ་གསུམ་དཀྱིལ།། འཕང་དུ་ཁྲུ་གང་ཡོད་པ་བརྩིགས།། མི་ཡི་ཁྲག་གིས་ཆག་ཆག་གདབ།། དེ་ནས་ཞིང་སོགས་གཡས་པ་ལ།། ལྷ་མོ་ཉིད
303b5 ཀྱི་སྤུ་བྲིས་ལ།། རྒྱས་པའི་གཟུངས་ཟག་སྙིང་གར་གདགས།། གྲུ་གསུམ་སྟེང་དུ་གན་རྒྱལ་མནན།། གཟུངས་ཟག་རྩེ་མོ་སོས་བཟུང་ལ།། ཧཱུཾ་མཛད་ཆེན་པོར་གསལ་བསྒོམས་ལ།། མ་མོ་གསོད་པའི་སྙིང་པོ
303b6 བཟླས།། རག་མོ་ཙིཏྟ་རཀྟ་སྟི་ར་ཏི་ཏི་མཱ་ར་ཡ་ཧཱུཾ། ཛཿདེ་སྐད་གསང་སྔགས་བཟླས་ནས་ནི།། མ་མོའི་སྙིང་ཁྲག་རྔུབ་པར་བསྒོམ།། མ་མོ་བོང་བུར་བཅས་པ་རྣམས།། མ་ཏྲང་བཞིན་ཏུ་འགྱེལ་བར་བསམ།། དེ་ནས
iiif viewer powered by OpenSeadragon
