| e-texts navigator |
| Wylie |
303a1 གྲུབ་རྟགས་བཟང་པོ་མཐོང་བ་ན།། བདུད་རྩི་བུམ་པའི་ཕྱག་རྒྱ་བཅས་ལ་ནི།། དངོས་འགྲུབ་བླང་བའི་སྔགས་ནི་བཟླས་བྱས་ལ།། སྙིང་ལ་ཅི་འདོད་པ་ཡི་དངོས་གྲུབ་བླང་།། མ་དང་སྲིང་མོ་ཁོལ་མོ
303a2 དམ་ལ་གདགས།། མཚན་མ་ངན་པ་དག་ནི་མཐོང་བ་ན།། མཚན་མ་ངན་པ་བཟློག་པའི་ཏྲི་ཤཱུལ་ཕྱག་རྒྱ་བཅའ།། མཚན་མ་ངན་པ་བཟློག་པ་སྔགས་ཀྱིས་བཟློག། གལ་ཏེ་བདག་ནི་གཞན་དུ་དོན་གཉེར་ན།། བུད
303a3 མེད་ལག་ན་རྫས་ནི་གང་བ་ཐོགས།། བྱ་དང་གཅན་གཟན་མངོན་དུ་འགྲོ་ན་བཟང་།། དེ་ཚེ་གཏོར་མ་ཕུལ་ལ་དོན་ལ་འགྲོ།། སྤྱད་སྟོངས་ཐོགས་པ་མཐོང་ན་དོན་མི་གཉེར།། གྲུབ་པའི་དྲོད་ཚད་རྣལ་འབྱོར་སྤྱི་ལ
303a4 གཅེས།། མཁའ་འགྲོ་མ་མེ་ལྕེ་འབར་བའི་རྒྱུད་ལས་དྲོད་ཚད་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་དཔལ་ཕྱག་ན་རྡོ་རྗེ་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།། ཐབས་དང་ཤེས
303a5 རབ་མངའ་མཛད་རྡོ་རྗེ་འཛིན།། རྡོ་རྗེ་མཁའ་འགྲོ་བསྒྲུབས་ཀྱང་མ་གྲུབ་ན།། སྤོབས་ཤིང་གནད་ལ་དབབ་པར་ཞུ།། ཞེས་གསོལ་པ་དང་། དཔལ་ལྡན་ཕྱག་ན་རྡོ་རྗེས་བཀའ་སྩལ་པ། སྐྱེས་བུ་ཏིང་འཛིན་བློ་ལྡན
303a6 རྩལ་ཅན་གྱིས།། རྡོ་རྗེ་མཁའ་འགྲོ་མ་ཡི་གསང་སྔགས་གཙོར་བླངས་ཏེ།། གང་འདོད་དངོས་གྲུབ་མི་ཐོབ་མི་སྲིད་དོ།། འོན་ཀྱང་བསྒྲུབ་ཐག་རིང་བ་ན།། དེ་ལ་ཉེས་དམིགས་རྣམ་པ་བཞི།། སྔོན་གྱི་ལས་འཕྲོས་མ
iiif viewer powered by OpenSeadragon
