| e-texts navigator |
| Wylie |
301b1 མཚན་མ་སྨྲ་ན་རེ་མ་ཏི།། ལུས་ནི་འཕྲོ་ན་ཕྱག་ན་རྡོ་རྗེ་ཡིན།། ལུས་ལས་འོད་འབྱུང་བ་ནི་ལྷ་མོའི་རྟགས།། ལུས་པོ་འདར་རམ་སྦྱི་ཤ་བུང་བ་དང་།། ཤ་རྩ་འགུལ་ན་རེ་མ་ཏི་ཡི་རྟགས།། གླལ་ལམ་སྐྱུགས་ཤིང་མཆི་མ
301b2 འོང་བ་ན།། ལྷ་མོ་དཔོན་གཡོག་ཡོ་ག་ཕེབས་པ་ཡིན།། གལ་ཏེ་སྙིང་གིས་སྐྱེ་བ་དྲན་པ་ན།། ཕྱག་ན་རྡོ་རྗེའི་དངོས་གྲུབ་མཚན་མའོ།། སྙིང་ནི་དགའ་ལ་འཚིག་ན་རྗེ་མོ་ཡིན།། སྙིང་འདི་ཁྲི་ལ་འཚིག་ན་འཁོལ་མོ
301b3 ཡིན།། ད་ནི་གསང་བ་གྲུབ་རྟགས་བསྟན་པར་བྱ།། སྔགས་དང་ཏིང་འཛིན་ནུས་པ་སྐྱེད་ཙམ་ན།། རྡོ་རྗེ་དབུས་ཀྱི་རྩ་ཡི་ནམ་མཁའ་ལ།། བྱང་ཆུབ་སེམས་ཀྱི་དགའ་བདེ་སྐྱེ་བ་ན།། མཁའ་འགྲོ་རང་ལ་ཤར་བར
301b4 བཤད།། ད་ནི་ཕྱི་ཡི་གྲུབ་རྟགས་བསྟན་པར་བྱ།། ཕྱི་ཡི་རྟགས་ནི་རབ་འབྲིང་ཐ་མ་གསུམ།། རབ་ནི་ལྷ་མོ་ཉིད་ཀྱི་སྐུ་མཐོང་སྟེ།། ནམ་མཁའི་དབུས་སུ་ཕྱག་ན་རྡོ་རྗེ་མཐོང་།། བུད་མེད་དཀར་མོ་བཞད་ཅིང་བྱུང་བ
301b5 ན།། གསང་བའི་ཡེ་ཤེས་དངོས་གྲུབ་སྟེར་བའོ།། ནག་མོ་རལ་པ་ཅན་དུ་བྱུང་བ་ན།། འདོད་ཁམས་འདུས་པའི་མཐུ་རྩལ་དངོས་གྲུབ་བདག་ལ་སྟེར།། དམར་མོ་བསེ་ཡི་རལ་པ་ཅན་དུ་བྱུང་བ་ན།། འཇིག་རྟེན་དབང
301b6 དུ་སྡུད་པའི་དངོས་གྲུབ་སྟེར།། སེར་མོ་ཐོད་པའི་ཕྲེང་བ་ཅན་དུ་བྱུང་བ་ན།། ཚེ་དང་ལོངས་སྤྱོད་རྒྱས་པའི་གྲུབ་པ་སྟེར།། མཁའ་འགྲོ་གྲུབ་རྟགས་འབྲིང་པོ་ནི།། རྡོ་རྗེ་ནམ་མཁའ་ལས་དབབ་གཙོ་བོ་ཡིན།། རྗེ་མོ་ལྷ
iiif viewer powered by OpenSeadragon
