| e-texts navigator |
| Wylie |
301a1 བོ་ཕྱག་ན་རྡོ་རྗེ་དང་།། ལྷ་མོ་ནག་པོ་དཔོན་གཡོན་ཀུན།། རྟག་ཏུ་བདག་དང་མི་འབྲལ་ལོ།། ཇི་ལྟར་འདོད་པའི་དོན་དེ་འགྲུབ།། གང་ལྟར་མངག་པའི་ལས་དེ་བྱེད།། མཁའ་འགྲོ་མེ་ལྕེ་འབར་བའི
301a2 རྒྱུད་ལས།། དམ་ཚིག་གི་ལེའུ་སྟེ་བཅུ་གཅིག་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས།། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཧཱུཾ་མཛད་ཧཱུཾ་གི་རྒྱལ་པོ་རྡོ་རྗེ་ཆེ།། རྡོ་རྗེ་མཁའ་འགྲོའི་དྲོད
301a3 ཚད་མཚན་མ་ཤོད།། ཅེས་ཞུས་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ།། སྐྱེས་བུ་བློ་ལྡན་མན་ངག་རྩལ་ཅན་གྱིས།། གསང་སྔགས་ཏིང་འཛིན་ཕྱག་རྒྱར་རབ་ལྡན་ན།། རྡོ་རྗེ་མཁའ་འགྲོའི་གྲུབ་རྟགས་འདི
301a4 ལྟར་འབྱུང་།། གྲུབ་རྟགས་ཕྱི་ནང་གསང་བ་གསུམ་དུ་བཤད།། ནང་གི་གྲུབ་རྟགས་མིག་དང་རྣ་བ་དང་།། སྣ་དང་ལྕེ་དང་ལུས་དང་སྙིང་ལ་འབྱུང་།། གལ་ཏེ་མིག་གིས་སྲིད་པ་གསུམ་མཐོང་ན། གཙོ་བོ་ཕྱག་ན་རྡོ་རྗེའི
301a5 མཚན་མ་ཡིན།། མིག་གིས་ལྷ་མོ་མཐོང་ན་ལྷ་མོ་ཡིན།། མིག་ནི་འདར་ཞིང་འགུལ་ན་རེ་མ་ཏི།། རྣ་བས་སྲིད་པ་གསུམ་པོ་ཟོས་ན་རྡོ་རྗེ་འཛིན།། མཁའ་འགྲོས་གཏམ་ཟེར་ཟོས་ན་ལྷ་མོས་བསྟན།། བུད་མེད་འབྲུག་སྒྲ
301a6 སྒྲོགས་ན་རེ་མ་ཏི།། སྣ་ལ་ག་བུར་དྲི་ནི་རྡོ་རྗེ་འཛིན།། ཀུ་མུ་ད་ཡི་དྲི་ནི་ལྷ་མོ་ཉིད།། སྤོས་སམ་གུར་གུམ་བྲོ་ན་རེ་མ་ཏི།། ལྕེ་ལ་དམ་ཆོས་འཆང་ན་རྡོ་རྗེ་འཛིན།། ལྕེ་ལ་གསང་སྔགས་ཟློས་ན་ལྷ་མོ་ཡིན།། ལེགས་ཉེས
iiif viewer powered by OpenSeadragon
