| e-texts navigator |
| Wylie |
300b1 བསྒྲུབས་ཀྱང་འགྲུབ་དུས་མེད།། རྟག་པར་དགྲ་དང་མི་འབྲལ་ལོ།། ཡང་ནི་ལྷ་དབང་བརྒྱ་བྱིན་ཉོན།། དམ་ཚིག་བསྲུང་བའི་ཡོན་ཏན་ལ།། གཙོ་བོ་ཕྱག་ན་རྡོ་རྗེ་ཡི།། སྐུ་ཡི་དམ་ཚིག་མ་ཉམས་ན།། བླ་མེད་བྱང་ཆུབ
300b2 གོ་འཕང་འཐོབ།། གསུང་གི་དམ་ཚིག་མ་ཉམས་ན།། ཕྱག་ན་རྡོ་རྗེའི་ཞལ་མཐོང་ནས།། རྡོ་རྗེའི་ངག་ལ་དབང་ཐོབ་འགྱུར།། ཐུགས་ཀྱི་དམ་ཚིག་མ་ཉམས་ན།། ཕྲིན་ལས་རྣམ་བཞི་མངོན་དུ་འགྲུབ།། མཁའ་འགྲོ་མ
300b3 རྣམས་མངོན་དུ་འཁོལ།། མཐུ་དང་རྫུ་འཕྲུལ་བསམ་པས་འགྲུབ།། དཔལ་ལྡན་ལྷ་མོ་ནག་མོ་ཡི།། སྐུ་ཡི་དམ་ཚིག་མ་ཉམས་ན།། ལྷ་སྲིན་ཕོ་མོས་ཕྱག་བྱེད་དེ།། འདོད་པའི་ཁམས་ཀྱི་རྒྱལ་སྲིད་ཐོབ།། གསུང་གི་དམ
300b4 ཚིག་མ་ཉམས་ན།། སྔགས་བཟླས་མཁའ་འགྲོ་མངོན་དུ་འོང་།། བར་ཆད་མེད་པར་དངོས་གྲུབ་སྟེར།། ཐུགས་ཀྱི་དམ་ཚིག་མ་ཉམས་ན།། བདུད་དང་དགྲ་ཡིས་མི་ཚུགས་ཤིང་།། རྟག་ཏུ་རིམས་ནད་མི་འབྱུང
300b5 ཞིང་།། དགྲ་རྣམས་ཐེ་ཚོམ་མེད་པར་འཆི།། ལྷ་མི་ཡོངས་ཀྱིས་བཀུར་བར་འགྱུར།། ཚེ་རིང་ནོར་དང་ལྡན་པར་འགྱུར།། དེ་ནས་ནག་མོ་རེ་མ་ཏིའི།། སྐུ་ཡི་དམ་ཚིག་མ་ཉམས་ན།། འཁོར་ནི་བཀྲ་ཤིས་དར
300b6 ཞིང་རྒྱས།། དགྲ་དང་བགེགས་རྣམས་ཕུང་བར་བྱེད།། གསུང་གི་དམ་ཚིག་མ་ཉམས་ན།། བུ་དང་ཆུང་མ་དར་བ་དང་།། ནོར་དང་ལོངས་སྤྱོད་རྒྱས་པར་འགྱུར།། མི་རྣོན་རྐང་མགྱོགས་རོ་ལངས་འགྲུབ།། ཐུགས་ཀྱི
iiif viewer powered by OpenSeadragon
