| e-texts navigator |
| Wylie |
300a1 བསྲུངས་པའི་ཡོན་ཏན་གང་།། འབྱུང་པོའི་གཙོ་བོས་བཤད་དུ་གསོལ།། ཕྱག་ན་རྡོ་རྗེས་བཀའ་སྩལ་པ།། རབ་ཏུ་བཤད་ཀྱིས་བརྒྱ་བྱིན་ཉོན།། གཙོ་བོ་ཕྱག་ན་རྡོ་རྗེ་ཡི།། སྐུ་ཡི་དམ་ཚིག་ཉམས་པ
300a2 ན།། མཐོ་རིས་གོ་འཕང་རྒྱུད་ལམ་འཆད།། གསུང་གི་དམ་ཚིག་ཉམས་པ་ན།། བསྒྲུབས་ཀྱང་དངོས་གྲུབ་མི་འཐོབ་ཅིང་།། སྔགས་ལ་ནུས་མཐུ་མེད་པར་རོ།། ཐུགས་ཀྱི་དམ་ཚིག་ཉམས་པ་ན།། མཁའ་འགྲོའི་ཆད
300a3 པས་རབ་བཅད་ནས།། ངེས་པར་རྡོ་རྗེ་དམྱལ་བར་སྐྱེ།། དངོས་གྲུབ་མེད་པར་བར་ཆོད་འབྱུང་།། དཔལ་ལྡན་ལྷ་མོ་ནག་མོ་ཡི།། སྐུ་ཡི་དམ་ཚིག་ཉམས་པ་ན།། རྒྱལ་པོའི་ཆད་དང་སྦྲུལ་གདུག་དང་།། མེ་དང་ཆུ་ཡི
300a4 བར་དུ་ཆོད།། གསུང་གི་དམ་ཚིག་ཉམས་པ་ན།། བསྒྲུབ་ལ་གཡེལ་ཞིང་ནུས་མཐུ་མེད།། བསྒྲུབ་པ་རྩོམ་རེས་པར་ཆོད་འོང་།། ཐུགས་ཀྱི་དམ་ཚིག་ཉམས་པ་ན།། ཉམས་ལེན་འོང་ཞིང་རིམས་ནད་འོང་། ཁོལ་མོ
300a5 བདུད་མོ་རེ་མ་ཏིའི།། སྐུ་ཡི་དམ་ཚིག་ཉམས་གྱུར་ན།། འཁོར་ལ་རིམས་ནད་སྒྲོ་འབོག་འོང་།། དགྲ་རྣམས་ཚེ་དང་བསོད་ནམས་འཕེལ།། གསུང་གི་དམ་ཚིག་ཉམས་པ་ན།། བུ་དང་ཆུང་མ་འཆི་བ་དང་།། སྙིང་མི
300a6 དགའ་ཞིང་ཁ་ཡང་ཡོ།། ནོར་དང་ལོངས་སྤྱོད་ཟད་པར་འགྱུར།། ཐུགས་ཀྱི་དམ་ཚིག་ཉམས་པ་ན།། རང་གི་ཚེ་ལ་བར་ཆོད་འོང་།། མཛེ་དང་རྒྱུ་གཟེར་ན་ཞིག་འབོག། སྤྱི་ཡི་དམ་ཚིག་ཉམས་པ་ན།། རྟག་པར
iiif viewer powered by OpenSeadragon
