| e-texts navigator |
| Wylie |
299a1 སྐུ་ཡི་དམ་ཚིག་ནི།། སྐུ་ཡི་ཕྱག་རྒྱ་མི་སྤོང་ཞིང་།། ལྷ་དང་སློབ་དཔོན་མཉེས་པར་བྱ།། རྡོ་རྗེ་སྤུན་ལ་གདུང་བ་བསྐྱེད།། གཙོ་བོའི་གསུང་གི་དམ་ཚིག་ནི།། བཟླས་བརྗོད་སྙིང་པོ་རྒྱུན་མི
299a2 གཅོད།། མི་ཡེངས་རྫུན་སྤངས་གསང་སྔགས་འཛིན།། གཙོ་བོའི་ཐུགས་ཀྱི་དམ་ཚིག་ནི།། གསང་བ་གཞན་ལ་མི་སྤེལ་ཞིང་།། སྟན་གན་འབྲས་བུ་ལྔ་ལ་སྤྱོད།། དེ་ནས་གཙོ་མོའི་དམ་ཚིག་བཤད།། ལྷ་མོའི་སྐུ་ཡི་དམ
299a3 ཚིག་ནི།། བོང་བུ་ལ་ནི་བྱམས་པར་བྱ།། ཁལ་གྱིས་མི་མནན་དབྱུག་མི་བརྡེག། རྨ་བྱའི་མདོངས་ནི་རྟག་ཏུ་བཅང་།། མི་ཡི་དཀྱིལ་འཁོར་མཐོང་བ་ན།། མེ་ཏོག་སྐྱེས་ལྟར་དགའ་བར་བྱ།། རྟག་ཏུ་ཡི་དམ་མི་འདའ
299a4 བའི།། ཞག་རེ་ཕྱག་རྒྱ་གཉིས་གཉིས་བསྟན།། ལྷ་མོ་གསུང་གི་དམ་ཚིག་ནི།། རྒྱུན་དུ་བཟླས་པ་བྱེད་པ་དང་།། ནེའུ་ལེ་མཐོང་ན་བསྟོད་པ་བྱ།། ཕྱག་རྒྱ་བསྟན་ཞིང་དགའ་བར་བྱ།། ཞིང་པགས་རྫས་ཀྱི་སྣོད་དུ
299a5 བྱ།། ཚུབ་མ་དག་དང་ཕྲད་གྱུར་ན།། རྐེད་པར་མི་གཅོད་རྒྱབ་མི་བསྟན།། ཚེས་གྲངས་ཤིས་དང་ནམ་གུང་ལ།། ཕྱག་རྒྱ་བྱ་ཞིང་བསྟོད་པ་བྱ།། ལྷ་མོའི་ཐུགས་ཀྱི་དམ་ཚིག་ནི།། འཇིག་རྟེན་གང་དང་གང་དག་ན།། བུད
299a6 མེད་ཡུགས་ས་ཡོད་པ་ལ།། བྱམས་པར་བྱ་ཞིང་ཆགས་པ་སྤྱད།། རྟག་ཏུ་བུ་མོ་གཙང་མ་བསྟེན།། ལྷ་མོ་ཟླ་མཚན་རྒྱུ་དུས་སུ།། གསང་བའི་མཆོད་པས་དམ་བསྲེའོ།། ལྷ་མོའི་ཁོལ་མོ་རེ་མ་ཏིའི།། དེ་ཡི་སྐུ་ཡི་དམ་ཚིག
iiif viewer powered by OpenSeadragon
