| e-texts navigator |
| Wylie |
298b1 ནས་ཐལ་བ་དུར་ཁྲོད་དུ་བསྐྱལ།། དེ་ནས་གསང་བའི་མཆོད་པས་རབ་བཤད་བྱ།། དངོས་ལ་མཁའ་འགྲོ་གསལ་ལམ་ཏིང་འཛིན་ལ།། གསང་བ་ཡེ་ཤེས་ཧཱུཾ་དང་ཨཾ་གཉིས་ལ།། རྡོ་རྗེ་པདྨས་རབ་ཏུ་དཀྲུགས་ནས
298b2 ཀྱང་།། ཟླ་བས་མཁའ་འགྲོ་རབ་ཏུ་མཉེས་འགྱུར་ཏེ།། ཐུགས་ཀྱི་ཐིག་ལེས་བདག་གི་གཟི་བྱིན་བསྐྱེད།། ཐུགས་ཀྱི་དངོས་གྲུབ་དམ་པའི་མན་ངག་གོ།། མ་ཧཱ་ཀཱ་ལི་ས་མ་ཡ་བོ་དྷི་ཙིཏྟ། མ་ཧཱ་པུ་ཛ་གུ་ཧྱ་སྟཾ་སྤྲོ
298b3 བའོ།། མ་ཧཱ་ཀཱ་ལི་ས་མ་ཡ། མ་ཧཱ་རཀྟ་གུ་ཧྱ་སྟྭཾ། ཨཱ་བེ་ཤ་ཨ། བསྡུ་བའོ།། མཁའ་འགྲོ་མ་མེ་ལྕེ་འབར་བའི་རྒྱུད་ལས་མཆོད་པའི་ལེའུ་སྟེ་བཅུ་པའོ།། །། དེ་ནས་ལྷའི་དབང་པོ་བརྒྱ་བྱིན་དེས།། དཔལ་ཕྱག་ན
298b4 རྡོ་རྗེ་ལ་འདི་སྐད་ཅེས་གསོལ་ཏོ།། ཡེ་ཤེས་ལྔར་ལྡན་དཔའ་བརྟན་ཐུགས་རྗེ་ཅན།། དཔལ་ལྡན་མི་བསྐྱོད་རྡོ་རྗེ་སེམས་དཔའ་ཁྱོད།། རྡོ་རྗེ་མཁའ་འགྲོ་མ་ཡི་དངོས་གྲུབ་ནི།། སྲོག་དང་འདྲ་བའི་དམ་ཚིག་བདག་ཉན
298b5 འཚལ།། ཞེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། མཁའ་འགྲོ་མ་ཡི་དམ་ཚིག་ནི།། གསང་བའི་ཕྱག་རྒྱ་འདའ་དཀའ་བ།། མི་ཤིགས་རྒྱལ་པོས་དབང་བསྐུར་ཏེ།། རྡོ་རྗེ་མཚན་མ་འཇོམས་པའི
298b6 རྒྱུ།། དམ་ཚིག་དེ་ཉིད་རབ་བཤད་བྱ།། འདས་ན་རྡོ་རྗེ་དམྱལ་བའོ།། མ་འདས་དངོས་གྲུབ་དམ་པའི་རྒྱུ།། གཙོ་བོ་ཕྱག་ན་རྡོ་རྗེ་དང་།། ལྷ་མོ་ནག་མོ་དཔོན་གཡོག་ལ།། སྐུ་གསུང་ཐུགས་ཀྱི་དམ་ཚིག་ནི།། གཙོ་བོའི
iiif viewer powered by OpenSeadragon
