| e-texts navigator |
| Wylie |
297b1 ལག་གཉིས་བཅུག་མིག་འབྲས་འདྲ།། གུང་མོ་མཐེའུ་ཆུང་གཉིས་ནི་ཐོད་རློན་ཁ།། དངོས་གྲུབ་བླང་བའི་བདུད་རྩི་བུམ་པ་ནི།། ལག་གཉིས་སོར་བཅུ་རྩེ་བསྡུས་བཀུག་ལ་ཟླུམ།། མཚན་ངན་བཟློག་པ་ཏྲི་ཤཱུལ་ཕྱག་རྒྱ
297b2 ནི།། ལག་གཡས་མཐེབ་མཛུབ་སྲིན་ལག་མཐིལ་དུ་དགུག། མཐེ་བོ་གུང་མོ་མཐེའུ་ཆུང་ཕྱར་ལ་བསྒྲེང་།། མཁའ་འགྲོ་མ་མེ་ལྕེ་འབར་བའི་རྒྱུད་ལས་ཕྱག་རྒྱ་བསྟན་པའི་ལེའུ་སྟེ་དགུ་པའོ།། །། དེ་ནས་ལྷའི
297b3 དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཀྱེ་སྟོབས་པོ་ཆེ་ལ་གནོད་སྦྱིན་གྲགས་པ་ཅན།། རིག་སྔགས་གསང་སྔགས་ཚོགས་ཀྱི་མངའ་བདག་གི། རྡོ་རྗེ་མཁའ་འགྲོ་མཉེས་པར་བྱ
297b4 བའི་ཕྱིར།། མཆོད་པའི་རིམ་པ་བདག་ལ་བཤད་དུ་གསོལ།། ཞེས་ཞུས་པ་ལ། གསང་བའི་བདག་པོས་བཀའ་སྩལ་པ།། རྡོ་རྗེ་མཁའ་འགྲོའི་དངོས་གྲུབ་མྱུར་བྱའི་ཕྱིར།། མཉེས་པར་བྱས་ཏེ་མཆོད་པ་རྟག་ཏུ
297b5 འབུལ།། དང་པོར་མཆོད་པའི་རྫས་ཀྱི་གཏོར་མ་འབུལ།། གཉིས་པ་ལ་ནི་སྦྱིན་སྲེག་དབུལ་བའོ།། དེ་བཞིན་གསུམ་པ་གསང་བའི་མཆོད་པ་དབུལ།། དང་པོར་གཏོར་མ་ཤ་ལྔ་བདུད་རྩི་ལྔ།། མཆོད་པའི་རྫས་དང་ཛ
297b6 གད་རཀྟ་རྣམས།། པདྨ་མཛེས་པའི་སྣོད་དུ་བཀང་བྱས་ནས།། རླུང་གིས་མེ་སྦར་ཨ་ཡིས་ཐོད་པ་བསྐོལ།། ཧཱུཾ་གི་རྡོ་རྗེས་རབ་ཏུ་དཀྲུགས་ནས་ཀྱང་།། ཨ་དཀར་འབར་བས་ཁ་ཟས་དུག་བཅོམ་ལ།། དཔའ་བོ་འབྲུ
iiif viewer powered by OpenSeadragon
