| e-texts navigator |
| Wylie |
296b1 གེམ་བྲུཾ་གེམ་བྲུཾ་གེམ་བྲུཾ་གེམ་བྲུཾ་གེམ་བྲུཾ་གེ་མ། ཧཱུཾ་དུཾ་ཧཱུཾ་དུཾ་ཧཱུཾ་དུཾ་ཧཱུཾ་དྲྀ་ཧཱུཾ་དུཾ་ཧཱུཾ་དུཾ་ཧཱུཾ་དུཾ། ཕཊ་ཏ་ཀ་ཕཊ་ཏ་ཀ་ཕཊ་ཀ་ཕཊ་ཀ་ཕཊ་ཀ་ཕཊ་ཀ་ཕཊ་ཀ། དེ་ནི་རྡོ་རྗེ་མ་ཧ་མཁའ་འགྲོ་མའི་རྔ་སྒྲའོ།། མཁའ་འགྲོ་མ་མེ་ལྕེ
296b2 འབར་བའི་རྒྱུད་ལས་སྔགས་བསྟན་པའི་ལེའུ་སྟེ་བརྒྱད་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། བཅོམ་ལྡན་མགོན་པོ་རྒྱལ་ཚབ་ལས་ཀྱི་ལྷ།། རྡོ་རྗེ
296b3 མཁའ་འགྲོའི་རྣལ་འབྱོར་མའི།། གསང་བའི་ཕྱག་རྒྱ་བདག་ལ་བསྟན་པར་འཚལ།། ཞེས་ཞུས་པ་དང་། ཕྱག་ན་རྡོ་རྗེས་བཀའ་སྩལ་པ། རྣལ་འབྱོར་གསང་བའི་ཕྱག་རྒྱ་དམ་པ་ནི།། སྤང་བར་མི་བྱ་རྟག་ཏུ་བཅང་བར
296b4 བྱའོ།། དང་པོ་གཙོ་བོ་རྡོ་རྗེ་རྒྱལ་ལ་གནས།། རླུང་གིས་མེ་སྦར་བོང་ཞོན་དབང་ཕྱུག་མ།། ལྕགས་ཀྱུས་བཟུང་ནས་གཤོག་པས་ཟིལ་གྱིས་གནོན།། བོང་བུས་གདན་འདིངས་ཐོད་པས་དབང་བསྐུར་ཏེ།། ཐོད་རློན་དམ
296b5 བརྟན་གཉིས་མེད་དངོས་གྲུབ་བླང་།། རྟག་ཏུ་མཚན་མ་ངན་པ་ཕྱག་རྒྱས་བཟློག། དང་པོ་གཙོ་བོ་རྡོ་རྗེ་རྩེ་ལྔ་ནི།། ལག་གཉིས་སོར་མོ་རྒྱབ་ཏུ་བསྣོལ་བཅངས་ལ།། མཐེ་བོང་གུང་མོ་མཐེའུ་ཆུང་གཤིབས་ལ
296b6 བསྒྲེངས།། རྡོ་རྗེ་རྩེ་ལྔ་ཕྱག་ན་རྡོ་རྗེའི་རྒྱའོ།། དང་པོ་རླུང་ནག་ཚུབ་མའི་ཕྱག་རྒྱ་ནི།། ལག་ན་ཐལ་སྦྱར་གུང་སྤྲོད་བསྒྲེང་བ་དང་།། མཐེ་ཆུང་སྲིན་ལག་ཚིགས་བསྣོལ་བགྲད་པ་དང་།། དེ་བརྐྱང་མཐེ་བོང་གུང་གཏད
iiif viewer powered by OpenSeadragon
