| e-texts navigator |
| Wylie |
294a1 ན་རྡོ་རྗེ་ཡིན།། མདོག་ལྡང་སྔོ་ལ་ཁྲོ་བོའི་ཆ་བྱད་དེ།། ལུས་འགྱིང་བག་ཅན། དབུ་སྐྲ་རལ་པ་གྱེན་ལ་བརྗེས་པ་ལ། རིགས་ལྔའི་དབུ་རྒྱན་ཅན། ཕྱག་ན་ཡེ་ཤེས་ཀྱི་རྡོ་རྗེ་རྩེ་ལྔ་པ་འབར་བ། ལུས་ལ
294a2 གླང་ཆེན་གྱི་ཀོ་བ་དང་། མཆོག་གི་གཡང་གཞི་དང་། སྟག་གི་ཤམ་ཐབས་དང་། ཟོད་པའི་ཕྲེང་བ་དང་། སྦྲུལ་གྱི་ཆུན་པོས་ལུས་བརྒྱན་པ། སྤྱན་མིག་དམར་བ། མཆེ་བ་གཅིག་པ། བསྐལ་པའི་མེ་དཔུང་ལྟར་འབར
294a3 བའོ།། དེའི་མདུན་དུ་དཔལ་ལྷ་མོ་ནག་མོ་བསྐྱེད་དེ། མ་ཧ་ཀཱ་ལི་བཱ་ཡ་བེ་སྥ་ར་ན་ཡང་། དེ་ནི་རླུང་ནག་ཚུབ་མའི་དཀྱིལ་འཁོར་བསྐྱེད་པའོ།། མ་ཧཱ་ཀཱ་ལི་ཛ་ལ་རཾ། དེ་ནི་མེའི་དཀྱིལ་འཁོར་བསྐྱེད་པའོ།། དེའི་དབུས
294a4 སུ་བྷྲཱུཾ་བི་ཤྭ་བི་ཤུདྡྷེ་ཀ་པཱ་ལ་ཧཱུཾ། དེ་ནི་ཐོད་པའི་གཞལ་ཡས་ཁང་ངོ་།། གརྦྷ་པ་ཧཱུཾ། དེ་ནི་བོང་བུ་དམར་ག་ལ་མིག་མཇུག་མ་ན་ཡོད་པ། རླུང་གི་གཤོག་པ་ཅན་ནོ།། ཏིར་བཾ་བོང་བུའི་ཐོག་ཏུ་ཞིང་བསྣོལ་བའོ།། མ་སཨཱརྱ
294a5 མནྡ་ལ་ཨཾ། ཉི་ཟླའི་གདན་ནོ།། བྷྱོ་ནག་མོའི་འཕྲོ་འདུ་ལས། ལྷ་མོའི་ཏིང་ངེ་འཛིན། ཨོཾ་དེ་བཱི་ཤྲཱི་མ་ཧཱ་ཀ་ལཱི་ཧཱུཾ་ཞེས་པ་ལ། རང་གི་བྱང་ཆུབ་ཀྱི་སེམས་ལ། ལྷ་མོ་ནག་མོ་ནི་ཁ་དོག་ནག་མོ་ལ། རལ་པ་གཏིང་ཟ་པར
294a6 དུ་འདུག་པ། མིག་རྩ་དམར་བ་ཁ་གདངས་པ། མཆེ་བ་གཙིགས་པ། ལུས་ལ་སྦྲུལ་དང་། ཐོད་པས་བརྒྱན་པ། ལག་ན་རལ་གྲི་དང་ནེའུ་ལེ་ཐོགས་པའོ།། ཐལ་བ་དང་ཁྲག་དང་ཞག་གིས་མཚོན་པའོ།། རྣ་རྒྱན་དྲིལ་བུ
iiif viewer powered by OpenSeadragon
