| e-texts navigator |
| Wylie |
293a1 མོ་གཙང་མའོ།། གནད་ལ་འབེབས་ཤིང་བཟློག་རྫས་དྲེའུ་ཡི་རྐང་།། འདི་རྣམས་གཙང་ཞིང་མ་ཉམས་ཚོགས་འགྱུར་ན།། རྡོ་རྗེ་མཁའ་འགྲོ་མ་ཡི་ཚོགས་རྣམས་ནི།། བུང་བས་ཨུ་དུམ་བཱ་ར་མཐོང་བ
293a2 ལྟར།། དགའ་བ་སྐྱེས་ནས་མི་ལ་དངོས་གྲུབ་སྟེར།། དེ་བས་ནན་ཏན་བསྐྱེད་ལ་བརྩོན་པར་བྱ།། མཁའ་འགྲོ་མ་མེ་ལྕེ་འབར་བའི་རྒྱུད་ལས་དཔོན་གཡོག་གི་དམ་རྫས་བསྟན་པའི་ལེའུ་སྟེ་ལྔ་པའོ།། །། དེ
293a3 ནས་ལྷའི་དབང་པོ་བརྒྱ་བྱིན་གྱིས།། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཀྱེ་གསང་བདག་ཕྱག་ན་རྡོ་རྗེ་འདུལ་བའི་གཙོ།། བསྒྲུབ་པའི་རྟེན་གྱི་རྡོ་རྗེ་མཁའ་འགྲོ་སྐུ།། ཐང་ཀ་འདྲི་བའི་ནན་ཏན་འདྲི
293a4 བར་འཚལ།། ཞེས་ཞུས་པའི་ཚེ། གསང་བའི་བདག་པོས་བཀའ་སྩལ་པ། མཁའ་འགྲོའི་རྟེན་གྱི་སྐུ་གཟུགས་ནི།། མིས་མ་འཕྲིགས་པར་དུར་ཁྲོད་འགྲོ།། དང་པོ་ཕྱག་ན་རྡོ་རྗེ་དང་།། ལྷ་མོའི་བསྙེན་པ་འབུམ་འབུམ
293a5 བཟླས།། དེ་ལ་སྦྱིན་སྲེག་གཏོར་མ་འབུལ།། རི་མོ་མཁན་ལ་དབང་བསྐུར་རོ།། དམ་ཚིག་རབ་ཏུ་སྦྱིན་པར་བྱ།། དེ་ནས་བུད་མེད་ཞབས་མ་དང་།། རོ་དཀྲིས་དག་གི་རས་དག་ནི།། རོ་བསྲེགས་མགལ་བའི་ཤིང་གིས
293a6 ཀྱང་།། བྲི་བའི་ཚོན་རྩི་རྣམ་པ་ལྔ།། དཔའ་བོ་འབྲུ་ལྔའི་འཕྲོ་འདུ་ལས།། རྒྱལ་བ་རིགས་ལྔར་བྱིན་བརླབས་ལ།། དབུས་སུ་ཕྱག་ན་རྡོ་རྗེ་བྲི།། མདུན་དུ་ལྷ་མོ་ནག་མོ་ནི།། བོང་ཞོན་རལ་གྲི་ཐོགས་པར་བྲི།། གཡོན་དུ
iiif viewer powered by OpenSeadragon
