| e-texts navigator |
| Wylie |
292a1 ནས་ལྷའི་དབང་པོ་བརྒྱ་བྱིན་གྱིས་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཀྱེ་འཇིགས་བྱེད་ཆེ་མཆོག་འགྲོ་ཀུན་འདུལ་བའི་གཙོ།། རྡོ་རྗེ་མཁའ་འགྲོ་ནག་མོ་དམ་པ་ཡི།། དངོས་གྲུབ་བསྒྲུབ
292a2 པའི་རྫས་རྣམས་གང་ལགས་པའི།། གསང་བའི་བདག་པོ་བདག་ལ་བཤད་དུ་གསོལ།། ཞེས་ཞུས་པ་དང་། ཕྱག་ན་རྡོ་རྗེས་བཀའ་སྩལ་པ།། རྡོ་རྗེ་མཁའ་འགྲོའི་དངོས་གྲུབ་འདོད་པའི་མིས།། རྫས་རྣམས་མེད་ན
292a3 དངོས་གྲུབ་མི་ཐོབ་སྟེ།། རྨོངས་པས་ས་བོན་གཙུབ་ཤིང་གཙུབ་བསྟན་འདྲ།། ཀུན་ཀ་ཚང་ན་དངོས་གྲུབ་མཚན་མ་སྟེར།། མཁའ་འགྲོ་མ་ལ་རྫས་ནི་རྣམ་པ་བདུན།། བོད་པའི་རྫས་དང་མ་མོ་བསྟེན་རྫས
292a4 དང་།། མཆོད་པའི་རྫས་དང་དམ་ཚིག་བསྲེ་བའི་རྫས།། བསྐུལ་བའི་རྫས་དང་མཚན་མ་དབབ་པའི་རྫས།། ཐ་མར་གནད་ལ་འབེབས་ཤིང་བཟློག་པའི་རྫས།། བདུན་པོ་འདི་ཚར་གྲུབ་པའི་མཚན་མ་འབྱུང་།། གཙོ
292a5 བོཔོ་ཕྱག་ན་རྡོ་རྗེའི་དམ་རྫས་ནི།། གོ་རོ་ཙ་ན་གཙོ་བོ་བོད་པའི་རྫས།། གཙོ་བོའི་རྟེན་ནི་སེང་ལྡེང་མི་རུས་ཕུར།། གསལ་བ་ལྔ་དང་བདུད་རྩིས་གཙོ་བོ་མཆོད།། དམ་ཚིག་བཅུ་ཡིས་རྡོ་རྗེ་ས་ནི་མཆོད།། གུ་གུལ་ནག་པོ
292a6 ཡུངས་ནག་ཏིལ་གྱིས་བསྐུ།། སྤོས་དང་ལྕེ་པོག་མི་ཚིལ་མཚན་མ་འབེབས།། གཙོ་བོ་གནད་ལ་འབེབས་པ་ཨ་མྲྀ་ཏ།། དཔལ་ལྡན་ལྷ་མོ་ནག་མོའི་བོད་རྫས་ནི།། གཡབ་དར་དང་ནི་ཧསྟ་མི་ཚིལ་དང་།། ཅོང་ཞུན་སྤོས
iiif viewer powered by OpenSeadragon
