| e-texts navigator |
| Wylie |
291b1 བྱེད་པ་ན།། མདོར་ན་སངས་རྒྱས་སྤྲུལ་པ་ཡིན་པ་སྟེ། ཁོལ་མོ་བྱང་ཆུབ་སེམས་དཔའི་སྤྲུལ་པའོ།། མཚན་མའི་སྲིན་མོ་བདུད་མོར་བལྟ་མི་བྱ།། མཁའ་འགྲོ་མ་མེ་ལྕེ་འབར་བའི་རྒྱུད་ལས་ལྟ་བ་བསྟན་པའི་ལེའུ་སྟེ
291b2 གསུམ་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།། གསང་བའི་བདག་པོ་ཡེ་ནས་ཐུགས་རྗེ་ཅན།། རྡོ་རྗེ་མཁའ་འགྲོའི་དངོས་གྲུབ་བསྒྲུབ་པའི་ཕྱིར།། དཀྱིལ་འཁོར་རྣམ་པ་གསུམ
291b3 གྱི་རྒྱུད་བཤད་འཚལ།། ཞེས་ཞུས་པའི་ཚེ།། ཕྱག་ན་རྡོ་རྗེས་བཀའ་སྩལ་པ།། བརྒྱ་བྱིན་ལ་སོགས་འཁོར་རྣམས་རབ་ཏུ་ཉོན།། དཀྱིལ་འཁོར་རྣམ་གསུམ་མཚན་མའི་ཕྱག་རྒྱ་ནི།། རང་བཞིན་དཀྱིལ་འཁོར་བྱང་ཤར
291b4 རི་རབ་རྩེ།། ཏིང་འཛིན་དཀྱིལ་འཁོར་རྣལ་འབྱོར་སེམས་ཀྱི་ཡུལ།། གཟུགས་བརྙན་དཀྱིལ་འཁོར་གནས་བཞིའི་ས་ལ་བྱ།། ཚོན་རྩི་མི་རུས་ལྡོང་རོས་རམས་དང་སྐྱེགས།། མཐིང་ནག་གྲུ་བཞིའི་དབུས་ནི་ཨེ་གྲུ
291b5 གསུམ།། དབུས་སུ་གཙོ་བོ་ཕྱག་ན་རྡོ་རྗེ་སྟེ།། དེ་ཡི་གཡས་སུ་ལྷ་མོ་ནག་མོ་སྟེ།། གཡོན་དུ་མ་མོའི་ཏིང་འཛིན་གྲུབ་པ་མོ།། གཙོ་བོའི་མདུན་དུ་ཁོལ་མོ་རེ་མ་ཏི།། དེ་ཡི་ཕྱི་རིམ་སྲིད་པའི་མ་མོ་དང་།། སྟག་སྦྱང་བྱ
291b6 རྒོད་སེང་གེ་ཁྱུང་གིས་བསྐོར།། ཕྱི་རིམ་ཐོད་ཕྲེང་མེ་རི་ཀེང་རུས་བྲི།། ཙ་ཀ་ལི་འམ་ཡིག་འབྲུ་ཕྱག་མཚན་བྲི།། མཁའ་འགྲོ་མ་མེ་ལྕེ་འབར་བའི་རྒྱུད་ལས་དཀྱིལ་འཁོར་བསྟན་པའི་ལེའུ་བཞི་པའོ།། །། དེ
iiif viewer powered by OpenSeadragon
