| e-texts navigator |
| Wylie |
291a1 གཉིས་རྟོགས་ལྟ་བ་ཅན།། སྔགས་དང་ཕྱག་རྒྱ་མི་སྤོང་ཞིང་།། རྟག་ཏུ་ཕྱག་རྒྱ་ཆེ་ལ་གནས།། སེམས་ཅན་དོན་བྱེད་མན་ངག་ལྡན།། དེ་ནི་སློབ་དཔོན་མཚན་ཉིད་དེ།། སློབ་མ་དུལ་ལ་དད་པ་ཅན།། བླ
291a2 མའི་ཞབས་ལ་རབ་འདུད་ཅིང་།། དད་དང་གཏོད་ཕོད་སྙིང་རྗེ་ཅན།། འདུལ་དང་སྡོམ་པ་དམ་ཚིག་འཛིན།། ལྷ་དང་སློབ་དཔོན་རྟག་ཏུ་བཅང་།། གསང་སྔགས་འཛིན་པའི་སྣོད་ལྡན་ལ།། སློབ་མར་བྱ་བ་ང་ཡིས
291a3 བཤད།། དཔལ་མཁའ་འགྲོ་མ་མེ་ལྕེ་འབར་བའི་རྒྱུད་ལས་སློབ་དཔོན་དང་སློབ་མའི་མཚན་ཉིད་བསྟན་པའི་ལེའུ་སྟེ་གཉིས་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི
291a4 སྐད་ཅེས་གསོལ་ཏོ།། རྡོ་རྗེ་སེམས་དཔའ་དཔའ་བོ་ཆེ།། དུས་མཐའི་རྣལ་འབྱོར་བསྐྱང་སླད་དུ།། རྡོ་རྗེ་གསང་བའི་མཁའ་འགྲོ་མའི།། ལྟ་བ་དམ་པ་བདག་ཉན་འཚལ།། ཞེས་ཞུས་པའི་ཚེ། དཔལ་ཕྱག་ན་རྡོ་རྗེས
291a5 བཀའ་སྩལ་པ།། བདག་དང་རྡོ་རྗེ་མཁའ་འགྲོ་མའི།། གདོད་ནས་མ་སྐྱེས་གཟུང་འཛིན་ཡུལ་དང་བྲལ།། ང་དང་བདག་འཛིན་མཚན་མའི་རྟོག་པ་བཅོམ།། དོན་དམ་ཀུན་རྫོབ་སྐྱེ་བ་མེད་པའི་གཞི།། གཉིས་མེད
291a6 ཆོས་ཀྱི་དབྱིངས་སུ་དབྱེར་མེད་ཅིང་།། སྟོང་ཉིད་ཆོས་སྐུ་ནམ་མཁའ་ཡེ་ཤེས་ལྔ།། སྤྲུལ་པའི་ཕྱག་རྒྱ་ལྷ་དང་ལྷ་མོའི་མཚན་མར་སྣང་།། མཁའ་ལ་འཇའ་འདྲ་རང་བཞིན་ག་ལ་ཡོད།། སྙིང་རྗེའི་དབང་གིས་འགྲོ་དོན
iiif viewer powered by OpenSeadragon
