| e-texts navigator |
| Wylie |
290b1 གསུམ་གྱི་རིང་གི་རྣམ་པར་སྨིན་པ་ཤཱཀྱ་ཐུབ་པའི་བསྟན་པ་ལ་དུས་གཅིག་ཏུ་སྨིན་ནོ།། ལྷ་མོ་འདི་དང་པོར་མ་ཧཱ་དེ་བའི་བུ་མོར་སྐྱེས་པ་ནི། དང་པོར་དགེ་བ་སྤྱད་པའི་མཐུའོ།། བར་དུ་སྲིན་པོའི་ཆུང་མར་གྱུར་ནས
290b2 རང་ལྕེབ་པ་ནི་ཞེ་སྡང་སྤྱད་པའོ།། ཐ་མར་ད་ལྟར་འདོད་པའི་ཁམས་ཀྱི་དབང་ཕྱུག་མར་གྱུར་པ་ནི། སངས་རྒྱས་ཐམས་ཅད་ཀྱིས་དབང་བསྐུར་ནས་ཤཱཀྱ་ཐུབ་པའི་བསྟན་པ་སྲུང་བ་ནི་སྔོན་ཤཱཀྱ་ཐུབ་པ་ལ་སྡིག
290b3 བཤགས་བྱས་ཀྱི་སྨོན་ལམ་བཏབ་བོ། ཁོལ་མོ་རེ་མ་ཏི་སྔགས་ཀྱི་བསོད་ནམས་ལས་གྲུབ་པའོ།། མཁའ་འགྲོ་མ་མེ་ལྕེ་འབར་བའི་རྒྱུད་ལས་གླེང་བཞིའི་ལེའུ་སྟེ་དང་པོའོ།། །། དེ་ནས་ལྷའི་དབང་པོ་བརྒྱ་བྱིན
290b4 གྱིས། གསང་བའི་བདག་པོ་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་མགོན་པོ་གསང་བའི་བདག། མ་འོངས་ཕྱི་མའི་སེམས་ཅན་རྣམས།། མཁའ་འགྲོ་རྣལ་འབྱོར་རབ་བསྒྲུབ་པའི།། སློབ
290b5 དཔོན་སློབ་མའི་མཚན་མའི་རྒྱུད།། གང་ཡིན་བདག་གིས་ཉན་པར་འཚལ།། ཞེས་ཞུས་པའི་ཚེ། གསང་བའི་བདག་པོས་བཀའ་སྩལ་པ།། དཔལ་ལྡན་ལྷ་མོ་རྡོ་རྗེ་མཁའ་འགྲོ་མ།། ཐུན་མོང་མ་ཡིན་ཀུན་གྱིས་བྱ
290b6 བ་མིན།། དེ་ཡང་སློབ་དཔོན་མཚན་ཉིད་བཤད།། སློབ་དཔོན་ཆོས་ལ་རབ་འདུད་པ།། ཚད་མེད་བཞིར་ལྡན་སྙིང་རྗེ་ཅན།། ཕྱི་ནང་གསང་བའི་དབང་ཐོབ་ནས།། དམ་ཚིག་སྲོག་བཞིན་འཛིན་བྱེད་ཅིང་།། བདེན་པ
iiif viewer powered by OpenSeadragon
