| e-texts navigator |
| Wylie |
284b1 ལ་འཇིགས་པར་ཤོག། དེ་ཡི་ཁོལ་མོ་རེ་མ་ཏི་ཁྱོད་ཀྱང་།། ང་ཡི་བུ་མོ་བསླུས་ཏེ་སྲིན་ལ་བྱིན། ཁྱོད་ཀྱང་མི་སྡུག་འཇིགས་པའི་གདོང་དུ་གྱུར།། ཚེ་རབས་ཀུན་དུ་ཁྱོ་དང་མ་ཕྲད་ཅིག། ཅེས་དམོད་པ་བཅུ་གཉིས
284b2 པ་བོར་རོ།། དེ་ནས་བུ་མོ་ལ་མའི་དམོས་པས་བསྡིགས་ནས་ལྷའི་ཁ་དོག་དཀར་པོ་ཉམས་ཏེ་མཐིང་ནག་ཏུ་གྱུར་མི་ཤ་ཟ་མི་ཁྲག་འཐུང་། མི་ལྤགས་གྱོན་བོང་བུ་ཞོན། གཅེར་བུར་བུད་ནས་འདུག་གོ། བུ་ནི་སྲིན་པོ་ཕྲུ
284b3 གུ་སེང་གེ་ཟླ་དང་། མེ་ཏོག་ཅོད་པན་དང་། གངས་ཅན་དང་། མཆེ་བ་བདུན་ལ་སོགས་པ་ལྔ་བརྒྱ་སྐྱེས་ཙམ་ན། ཁྱོ་སྲིན་པོ་ད་ཤ་གྲི་བ་ཤིའོ།། དེ་ནས་བུ་མོ་དུང་སྐྱོང་མ་ཡང་ཡུགས་སའི་ཆ་ལུགས་བྱས་ཏེ། སྐྲ
284b4 མདུན་སྐྲ་ལན་བུ་གཅིག་ལ་བླས་སོ།། བྲན་མོ་ཕུར་པའི་ལྷ་ཡང་དམོད་པས་བསྡིགས་པས། སྲིན་གྱི་ཕག་རྫི་བྱེད་ཙམ་ན། ཕག་རྫི་དུན་བུ་སྲིན་བྱ་བས་མོ་ལ་དབང་མེད་དུ་ཆགས་པ་སྤྱད་དོ།། དེ་ནས་ཕུར་པ་ལྷ་ཡང
284b5 ནལ་བུམ་སྦྲུམ་མོ།། དེ་ནས་དཔོན་གཡོག་གཉིས་ཀྱིས་སྲིན་པོའི་བོང་བུ་བརྐུས་པ་ཞོན་ནས། ད་ཤ་གྲི་བའི་རལ་གྲི་སྡིག་པ་ཅན་བརྐུས་པ་གཡས་ན་ཐོགས། སྲིན་པོའི་ནོར་བུ་རིན་པོ་ཆེ་བརྐུས་ནས་ནེའུ་ལེའི་རྒྱལ་བུར
284b6 སྦས་ནས། ལག་པ་གཡོན་དུ་ཐོགས་ནས་བྲོས་སོ།། ཕྱི་ནས་སྲིན་པོའི་དམག་གིས་བསད་ཀྱིས་དོགས་ནས། བོང་བུ་བསྐྱོད་ནས་ཁ་ཕྱིར་བསྟན་ཏེ། ཕྱི་ན་སྲིན་པོ་བྱ་ར་བྱེད་ཅིང་ཕྱིན་ནོ།། ཐ་མར་དུར་ཁྲོད་གཅིག་ཏུ
iiif viewer powered by OpenSeadragon
