| e-texts navigator |
| Wylie |
283a1 སྐྱོང་ལ་འདི་སྐད་ཅེས་གསོལ་ཏོ།། ཀྱེ་ཆེ་ཞེ་ཆེན་མོ་རིགས་ཀྱི་ཡུམ།། བདག་ཉིད་ཆེན་མོ་ག་གར་མ།། དབུ་བཟང་རིན་ཆེན་ཟོར་ཚུགས་ལ།། བེ་ཌཱུར་སྔོན་མོ་འོད་ལམ་ལམ།། ཞལ་བཟང་པདྨའི་དཀྱིལ
283a2 འཁོར་དུ།། ཉི་ཟླ་ཕྲུགས་གཅིག་རྒྱན་བཀོད་དེ།། ཚེམས་བཟང་དུང་ལ་ལྡངས་བཟང་མེ།། ཁྱོད་འདྲ་འཇིག་རྟེན་ཁམས་ན་མེད།། བདག་ནི་ཁྱོད་ཀྱི་གཏན་འབངས་བགྱི། ཁྱོད་ཀྱིས་བདག་ལ་ཐུགས
283a3 བརྩེར་དགོངས།། བདག་ཀྱང་གློ་བ་ཉེ་བར་བགྱི།། ཅེས་གསོལ་ཏོ།། དེ་ནས་ལྷ་མོའི་གཡོག་མོ་བྱས་ནས་གློ་བ་ཉེ་བར་བྱས་ཏེ་ལྷ་མོའི་ཡིད་ལ་ཅི་འདོད་པ་དགོས་པ་བྱས་སོ།། དེ་ནས་ལྷ་མོ་ཡང་ཁོལ་མོ་དེ་ལ་དགྱེས
283a4 ནས་གཅེས་པར་བྱེད་དེ། དེའི་ཚེ་དེའི་དུས་ན་ཡུལ་ལང་ཀ་པུ་རི་རུ། སྤྲེའུ་འབལ་ལེ་དང་མགྲིན་བཟངས་འཐབས་པ་ལ་ལྷ་ཐམས་ཅད་ལྟད་མོ་ལ་འགྲོ་བས། ལྷ་མོ་ཨུ་མས་བུ་མོ་དུང་སྐྱོང་མ་ལ་འདི་སྐད་ཅེས་སྨྲས
283a5 སོ།། དེ་རིང་ཁྱོད་ཀྱི་གན་དུ་སུ་འོངས་པས་ཁྱོད་བསླུ་སྟེ་འོང་བས། དེ་ལ་མ་ལྷ་ཅིག་ཅེས་བསྟན་ཙམ་ན། ཁོལ་མོས་སྐབས་དེར་ད་ཤ་གྲཱི་བ་ལ་སྦྲན་ནོ།། དེར་སྲིན་པོ་ད་ཤ་གྲི་བས། སྲིན་གྱི་བོང་བུ་དམར་ག་ལ་ཞོན
283a6 ནས། ལྷ་མོའི་ཕོ་བྲང་སྒོར་ཕྱིན་ཏེ་སྲིན་པོ་ཁོ་བདག་ནི་མིའི་ཆ་བྱད་ལ་ཤིན་ཏུ་གཟུགས་བཟང་ལ་མཛེས་པ་ཅིག་ཏུ་སྦྲུལ། བོང་བུ་ནི་རི་དྭགས་ག་དོར་སྨུག་པོ་ཅིག་ཏུ་སྤྲུལ་ཏེ། ལྷ་མོ་དུང་སྐྱོང་མའི་སྤྱན་སྔར་ཕྱིན་ནས།
iiif viewer powered by OpenSeadragon
