| e-texts navigator |
| Wylie |
281a1 བར་ཤིའོ།། དེར་ལྷ་ཐམས་ཅད་གཏིང་འཕམ་སྟེ། ལྷ་མ་ཡིན་རབ་ཏུ་རྒྱལ་བའི་དུས་སུ། ཕྱག་ན་རྡོ་རྗེ་ཉིད་ཀྱིས་ལྷ་རྣམས་རྒྱ་བར་བྱ་བའི་ཕྱིར། དཔལ་བེའུ་དབུས་ནས་ཧཱུཾ་མཐིང་ནག་འབར་བ་གཅིག
281a2 སྦྲུལ་ཏེ། ལྷ་བིཥྚ་རཱ་ཛའི་དཔྲལ་བའི་དབྱིངས་སུ་ལྕགས་ཀྱི་མཛེར་པ་ཅིག་ཏུ་གྱུར་ཏོ།། མཛེར་པ་བརྟོལ་བའི་ནང་ནས་བུད་མེད་སྔོན་མོ་དབུ་སྐྲ་བཻ་ཌཱུརྱའི་ཆུན་འཕྱངས་ཅན། མིག་ཨུཏྤ་ལའི་འདབ་མ་འདྲ་བ། མཚན
281a3 དང་དཔེ་བྱད་དུ་ལྡན་པ་ཅིག་བྱུང་ངོ་།། དེ་ལ་ལྷ་རྣམས་ཀྱིས་མིང་བཏགས་པ།། ལྷ་མོ་ཨུ་མ་དེ་བ་བྱ་བར་བཏགས། ལྷའི་བུ་མོ་དེ་ཀུན་གྱི་ཆུང་མར་འདོད་པ་ལ། ནམ་མཁའ་ལ་ཕྱག་ན་རྡོ་རྗེས་ངའི་སྤྲུལ་པའི་ཚིགས
281a4 བཅད་འདི་བསྒྲགས་སོ།། ལྷ་ཡི་རྒྱལ་སྲིད་མཐོ་ཞིང་བརྟན་པ་དང་།། རིས་དྲུག་སེམས་ཅན་དགེ་ལ་དགོད་པ་དང་།། ལྷ་མིན་བདུད་ཀྱི་གཡུལ་ཆེན་བཟློག་པའི་ཕྱིར།། དབང་ཕྱུག་ལྷ་ལ་ཨུ་མ་ཆུང་མར་བྱིན།། ཞེས
281a5 བསྒྲགས་སོ།། དུས་དེའི་ཚེ་ན་འཛམ་བུའི་གླིང་གི་ནུབ་བྱང་མཚམས། ཡཀྵ་ཀ་མ་ལ་འབར་བའི་དུར་ཁྲོད་ན། ལྷ་མ་ཧཱ་དེ་བ་དགེ་སློང་གི་ཆ་ལུགས་སུ་འགོག་པའི་བརྟུལ་ཞུགས་དྲག་པོ་ལ་ཞུགས་པའི་དྲུང་དུ་ཨུ་མ་དེ
281a6 བ་ཁྲིད་ནས་ཞག་བདུན་ཕྲག་བདུན་དྲོད་ལ་བཙས་པས། འདོད་པའི་འཁྲིག་པ་སྤྱད་དོ།། འཁྲིགས་པ་སྤྱད་པའི་དབང་གིས་བར་སྣང་ལ་གཟའ་དང་སྐར་མ་བྱུང་ངོ་།། དེར་ལྷ་མོ་ཨུ་མ་དེ་བ་ལ་བུ་ཚ་མིང་སྲིང
iiif viewer powered by OpenSeadragon
