| e-texts navigator |
| Wylie |
280b1 དམག་བྱེ་བ་དུང་ཕྱུར་གྱིས་བསྐོར་ཏེ། རྫུ་འཕྲུལ་གྱིས་ནམ་མཁའ་ལ་མཚོན་གྱི་ཆར་ཆེན་པོ་མེ་ལྕེ་འབར་བ་འདྲ་བའི་ཆར་འབེབས་ཏེ་དམག་དྲངས་སོ།། དེ་ནས་ཆོས་བཟངས་ཞེས་བྱ་བའི་གདན་སར་ལྷ
280b2 རྣམས་འཚོགས་ཏེ། འཐབ་པར་བརྩམས་པ་དང་། དང་པོ་ལྷ་རྣམས་ཀྱིས་ཁྲོ་མ་ཤེས་ནས་རྩུབ་འགྱུར་གྱི་ཁང་པ་ན། ཁྲོ་བོ་ལངྐ་ནག་པོ་ཁྲོས་པའི་ཁ་ཆུ་ཁྲོ་ཆུའི་རྫིང་བུ་བདུན་འཁྱིལ་པ་ལས་འཐུངས་སོ།། དེར་ལྷ
280b3 རྣམས་ཞེ་སྡང་སྐྱེས་ཏེ་ཤིན་ཏུ་ཁྲོ་བར་གྱུར་ནས། བཟོའི་ལྷ་བི་ཤོ་ཀར་མས་ནུབ་གཅིག་ལ་གསེར་ཁྲབ་བྱེ་བ་ཕྲག་དགུ་འབུམ་རང་བརྡུངས་སོ།། ལྷ་མ་ཧཱ་ཀྲོ་དྷས་ནུབ་གཅིག་ལ་མཚོན་རལ་གྲི་དང་། འཁོར་ལོ
280b4 དང་། ཐོད་པ་དང་། ལྕགས་ཀྱུ་དང་། དགྲ་སྟ་དང་། མདུང་རྩེ་གསུམ་པ་བྱེ་བ་ཕྲག་དགུ་ཁྲི་དགུ་འབུམ་རང་བརྡུངས་སོ།། དུས་དེ་ཙམ་ན་ལྷ་རྣམས་གོ་མཚོན་ཐོགས་ཏེ། གླང་པོ་ཆེ་རབ་ཏུ་བརྟན་པའི་མགོ་སུམ་ཅུ་རྩ
280b5 གཉིས་ལ་ཉེ་དབང་སུམ་ཅུ་རྩ་གཉིས་ཞོན། དབུས་ཀྱི་མགོ་བོ་ལ་ལྷའི་དབང་པོ་བརྒྱ་བྱིན་ཞོ་ན། ལྷ་དམག་བྱེ་བ་དུང་ཕྱུར་གྱིས་མཐའ་བརྟེན་ཏེ། གླང་པོ་ཆེའི་སྣ་ལ་རལ་གྲི་བཏགས་ནས་ལྷ་དང་ལྷ་མིན་ཡིན
280b6 གཉིས་གཡུལ་བཀྱེའོ།། དུས་དེ་ཙམ་ན་ལྷས་མཚོན་བརྒྱབ་པ་རྣམས་ནི། ཁྲག་གར་ཕོག་པ་ལ་བདུད་ཀྱི་དམག་མི་ཁྲི་ཁྲི་ཙམ་དུ་འཕེལ་ལོ།། ལྷ་མ་ཡིན་གྱིས་མཚོན་བརྒྱབ་པ་ལ་ནི་ཁྲག་ལ་དམག་མི་འཕེལ
iiif viewer powered by OpenSeadragon
