| e-texts navigator |
| Wylie |
279b1 འགྲོ་མའི་དངོས་གྲུབ་འབྱུང་བའི་རྒྱུད་ཆེན་པོ་ཞུ་བ་ཞུས་པ་ལེགས་སོ་ལེགས་སོ།། ཁྱེད་ཀྱང་རབ་ཏུ་ཉོན་ལ་ཡིད་ལ་ཟུང་ཤིག་ངས་རྣམ་པར་ཕྱེ་བ་བསྟན་པར་བྱའོ།། སྔོན་འདོད་པའི་ཁམས་འདི་ཉིད་ན། རི་རབ་ཀྱི་རྩེ
279b2 བྱང་ཤར་གྱི་མཚམས། ཤིང་ཡོངས་འདུ་ས་བརྟོལ་ཞེས་བྱ་བ། རྩེ་མོ་ན་བྱ་ཁྱུང་ག་རུ་ཎ་གནས་པ། ལོ་མ་ལ་འདོད་པའི་ཡོན་ཏན་ལྔ་རང་འབྱུང་བ། འབྲས་བུ་ལ་རིན་པོ་ཆེ་སྣ་བདུན་ལོ་ཏོག་ལྟར་སྨིན་པ། ཡལ་གའི་རྩེ
279b3 གཡུའི་ཟེ་བའི་བར་བར་ན།། ལྷ་དང་ལྷ་མོ་དང་། གཟའ་དང་སྐར་མ་དང་། ཉི་མ་དང་ཟླ་བའི་ཚོགས་ཀྱིས་བརྒྱན་པ། རྩ་བའི་ངོས་ལ་ཁྲུས་ཀྱི་རྫིང་བུ་བདུན་ལ། རེ་རེ་ལ་ཤིང་རྟ་རེ་རེ། ཤིང་རྟ་རེ་རེ་ལ་བུ་མོ་བདུན
279b4 བདུན། བུ་མོ་རེ་རེ་ལ་གཡོག་མོ་བདུན་བདུན། གཡོག་མོ་རེ་རེ་ལ་རྨ་བྱ་བདུན་བདུན་ཡོད་དོ།། ཤིང་རྟ་དེའི་ས་ཕྱོགས་ན། སྨན་གྱི་རྣམ་པ་སྣ་ཚོགས་དང་། ལོག་ཏོག་གི་རིགས་ཁྲི་ཕྲག་བཞི་རང་སྐྱེ་བ་ཙནྡན་དང་། ག
279b5 བུར་དང་། གོ་ཤིཪྵ་དང་། སྦྲུལ་གྱི་སྙིང་པོ་རྫིང་བུ་ལྔ་བརྒྱས་བསྐོར་ཏེ། དེ་ལྟ་བུའི་ཤིང་དེ་ཐུན་མོང་གི་བསོད་ནམས་ཀྱིས་སྐྱེས་སོ།། དེའི་དུས་ལ་འདོད་པའི་ཤིང་དེ་ནི་ལྷ་རྣམས་ཀྱིས་དབང་བྱེད་པའི་ཚེ། རི་རབ་ཀྱི་རྩ
279b6 བ་ན་འོད་མི་སྣང་བ་ཞེས་བྱ་བའི་གནས་ན། ལྷ་མ་ཡིན་གྱི་རྒྱལ་པོ་སུམ་བརྩེགས་དང་། ཐགས་ཟངས་རིས་དང་། ཧེ་རནྡྲ་ཀི་ཤུན་དང་། རྣམ་པར་སྣང་བྱེད་དང་། རབ་སིམ་དང་། སྒྲ་གཅན་འཛིན་ལ་སོགས་པ་བྱེ་བ
iiif viewer powered by OpenSeadragon
