| e-texts navigator |
| Wylie |
279a1 དུས་མཐའི་མེ་ལྟར་འབར།། དྲག་པོ་ཧཱུཾ་མཛད་རྡོ་རྗེ་འཛིན།། ད་ལྟར་འདོད་པའི་ཁམས་འདི་ན།། ལྷ་མོ་ནག་མོ་ཞེས་བྱ་བ།། གཏུམ་ཞིང་ཁྲོ་ལ་ལུས་ཀྱང་འཇིགས།། སྲིད་གསུམ་སྐྲག་པའི་ནུས་མཐ
279a2 ཅན།། དངོས་གྲུབ་དམ་པའི་གཞིར་གྱུར་འདི།། དང་པོ་གླེང་གཞི་རྒྱུ་ཡི་རྒྱུད།། སློབ་དཔོན་སློབ་མ་གང་གི་རྒྱུད།། དོན་དམ་ཀུན་རྫོབ་ལྟ་བའི་རྒྱུད།། དཀྱིལ་འཁོར་དམ་པ་གསུམ་གྱི་རྒྱུད།། ཟང་ཀ་ལྷ་རྟེན་སྐུ་གཟུགས
279a3 རྒྱུད།། དཔོན་དང་གཡོག་ནི་དམ་རྫས་རྒྱུད།། བསྐྱེད་དང་རྫོགས་ནི་ཏིང་འཛིན་རྒྱུད།། རྗེ་དང་ཁོལ་གྱི་སྔགས་ཀྱི་རྒྱུད།། བཅའ་བ་ཕྱག་རྒྱ་བཅུ་གཉིས་རྒྱུད།། མཆོད་པ་གཏོར་མ་སྦྱིན་སྲེག་རྒྱུད།། འདའ་བར་དཀའ་བ
279a4 དམ་ཚིག་རྒྱུད།། གྲུབ་པའི་དྲོད་ཚད་མཚན་མའི་རྒྱུད།། སྤོགས་དང་གནད་ལ་དབབ་པའི་རྒྱུད།། མི་འབྲལ་འགྲོགས་པ་གཟུངས་ཀྱི་རྒྱུད།། པྲ་དང་མཚན་མ་དབབ་པའི་རྒྱུད།། དབང་བསྐུར་གནང་བ་སྦྱིན་པའི
279a5 རྒྱུད།། སོ་སོ་ལས་ཀྱི་བྱེ་བྲག་རྒྱུད།། མར་མེ་དང་ནི་བདུད་རྩི་རྒྱུད།། ཐིག་ལེ་ཡེ་ཤེས་མན་ངག་རྒྱུད།། ལྷ་སྲིན་སྡེ་བརྒྱད་བསྟོད་པའི་རྒྱུད།། འཁོར་ལ་ཡོངས་སུ་གཏད་པའི་རྒྱུད།། ཐ་མ་ལུང་དུ་བསྟན་པའི
279a6 རྒྱུད།། དགོས་འབྲེལ་ཉི་ཤུ་རྩ་གཉིས་གང་།། སྟོན་པས་བཀའ་སྩོལ་བདག་ཉན་འཚལ།། དེ་སྐད་ཅེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། བརྒྱ་བྱིན་ལ་སོགས་པ་ཁྱེད་རྣམས་ཀྱིས། རྡོ་རྗེ་མཁའ
iiif viewer powered by OpenSeadragon
