| e-texts navigator |
| Wylie |
278b1 འཛིན་ལ་སྙོམས་པ་ཞུགས་ནས། བརྒྱ་བྱིན་ལ་སེང་གེའི་ལྟ་སྟངས་ཀྱིས་གཟིགས་ནས། གླང་པོ་ཆེའི་འགྱིང་བག་ཏུ་གོམ་པ་གསུམ་བོར་ཏེ། ཧཱུཾ་ཧཱུཾ་ཧཱུཾ་གི་སྔགས་བཟླས་ཏེ། ཡེ་ཤེས་ཀྱི་ཕྱག་གིས་རྡོ་རྗེ་ལན་གསུམ་ནམ
278b2 མཁའ་ལ་དྲིལ་ཏེ། འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ།། དེ་ནས་དཔལ་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ།། སྙིང་རྗེའི་ཡིད་ཀྱིས་བརྒྱ་བྱིན་ཉོན།། སྐལ་ལྡན་དུས་མཐའི་སེམས་ཅན་རྣམས།།
278b3 མི་ནུབ་ཆོས་ཀྱི་རྒྱལ་མཚན་དང་།། རྡོ་རྗེ་མཁའ་འགྲོ་མེ་ལྕེའི་རྒྱུད།། བདག་གཞན་དོན་ལ་འཇིགས་མེད་པ།། ངས་བཤད་ཁྱོད་ཀྱི་ཡིད་ཀྱིས་ཟུང་།། ཞེས་བཀའ་སྩལ་པ་དང་། བརྒྱ་བྱིན་ལ་སོགས་པའི་འཁོར་ཤིན་ཏུ
278b4 དགའ་བ་དང་། སྤྲོ་བ་སྐྱེས་ནས། ལ་ལས་ནི་མེ་ཏོག་མནྡ་ར་བ་དང་། པུནྡ་རི་ཀ་དང་། པདྨ་དང་། ཨུཏྤལ་དང་། ཙམ་པ་ཀ་དང་། བུ་རམ་དང་། བདུག་སྤོས་དང་། མར་མེ་དང་། བྱུག་པ་དང་། ཁ་ཟས་དང་།
278b5 གདུགས་དང་། བ་དན་དང་། བསིལ་ཡབ་དང་། བླ་རེ་དང་། རྒྱལ་མཚན་དང་། འཕན་ལ་སོགས་པ་ཕྱིའི་མཆོད་པས་མཆོད་དེ། འཁོར་ལ་ལས་ནི་བདུད་རྩི་རྣམ་པ་ལྔ་དང་། ལྕགས་ཀྱུ་ལ་སོགས་པ་ནང་གི་མཆོད
278b6 པས་མཆོད་དོ།། འཁོར་ལ་ལས་ལྷ་མོ་དང་གནོད་སྦྱིན་མོའི་ཆ་བྱད་དུ་བྱས་ནས་གསང་བའི་མཆོད་པས་ཕུལ་ལོ།། དེ་ནས་དཔལ་ཕྱག་ན་རྡོ་རྗེ་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་པ་གསོལ་ཏོ།། ཁྲོ་ཆེན
iiif viewer powered by OpenSeadragon
