| e-texts navigator |
| Wylie |
278a1 དོ།། གཞན་ཡང་གླང་པོ་དང་། ཤ་སྦྲང་དང་། སྦྲུལ་གདུག་པ་ཅན་དང་། རུས་སྦལ་དང་། རྔ་མོ་དང་། བསེ་དང་། ཕག་རྒོད་དང་། བ་མེན་དང་། ཁྱི་སྟ་དང་། ཤ་བ་དང་། གླ་བ་ལ་སོགས་པས་བསྐོར་ཏེ
278a2 བཞུགས་སོ།། དེའི་ཚེ་འཁོར་འདུས་པ་དེ་རྣམས་ཀྱི་ནང་ནས་གླང་པོ་ཆེ་རབ་ཏུ་བརྟན་པ་གཙུག་ན་གསེར་གྱི་དྲ་བས་བརྒྱན་པ། མགོ་བོ་སུམ་ཅུ་རྩ་གསུམ་ཡོད་པའི་སྟེང་ན། ཉེ་དབང་སུམ་ཅུ་རྩ་གཉིས་ཀྱི་དབུས་ནས།
278a3 ལྷ་རྣམས་ཀྱི་དབང་པོ་བརྒྱ་བྱིན་ཞེས་བྱ་བ། སྤྱི་བོའི་གཙུག་ན་ཡིད་བཞིན་གྱི་ནོར་བུ་རིན་པོ་ཆེ་འབར་བ། ལུས་ལ་གསེར་དང་། བཻ་ཌཱུརྱས་བརྒྱན་པ། དེས་འཁོར་ལོས་བསྒྱུར་བའི་ཆ་བྱད་དུ་བྱས་ནས། གླང་པོ་ཆེའི
278a4 སྟན་ལས་ལངས་ཏེ། དཔལ་ཕྱག་ན་རྡོ་རྗེ་ལ་བསྐོར་བ་ལན་གསུམ་བྱས་ནས། རྒྱལ་སྲིད་རིན་པོ་ཆེ་སྣ་བདུན་གྱིས་མཆོད་པར་བྱས་སོ།། དེ་ནས་བརྒྱ་བྱིན་གྱིས་འདི་སྐད་ཅེས་གསོལ་ཏོ།། རྡོ་རྗེ་འཛིན་པ་གསང་དབང
278a5 པོ།། ཡིད་བཞིན་ནོར་བུ་རབ་འདྲ་ཞིང་།། དངོས་གྲུབ་ཚོགས་ལ་མངའ་བརྙེས་ཁྱོད།། སྙིང་རྗེ་བདག་པོ་ཡིན་པས་ན།། མ་འོངས་སེམས་ཅན་སྐལ་ལྡན་གྱི།། རྡོ་རྗེ་མཁའ་འགྲོ་གོ་འཕང་མཆོག། ནག་མོ་མེ་ལྕེ་འབར
278a6 བའི་རྒྱུད།། བདག་ནི་ཁྱོད་ལ་དྲི་བར་འཚལ།། དེང་འདིར་སྟོན་པས་སྐབས་འབྱེད་ཞུ།། ཞེས་གསོལ་པ་དང་། དཔལ་ཧཱུཾ་མཛད་ཆེན་པོ་དེས་མེ་འབར་བའི་གདན་ལས་བཞེངས་ཏེ། རྡོ་རྗེ་རྣམ་པར་བསྒྱིངས་པའི་ཏིང་ངེ
iiif viewer powered by OpenSeadragon
