| e-texts navigator |
| Wylie |
276a1 རྫོགས་པར་བྲི།། དེ་ཡི་མཐའ་མར་རྫས་རྣམས་དགོད།། ཏིང་འཛིན་བརྟན་པས་དགུག་ཅིང་བསྟིམ།། ཡང་ནས་ཡང་དུ་དམིགས་པ་བསྐྱེད།། དམིགས་པ་བརྟན་པོར་གྱུར་པ་ན།། བསྟོད་ཅིང་བསྐ
276a2 ཞིང་དབང་ཡང་བསྐུར།། བཀའ་རྟགས་ཕྱག་རྒྱའི་དབང་རྟགས་ཡིན།། རུ་དར་ནག་པོ་རྟེན་དུ་བཅའ།། འབར་བ་སྐུ་ཡི་དབང་ཡང་བསྐུར།། དྲག་སྔགས་གསུང་གི་དབང་ཡང་བསྐུར།། གཉིས་མེད་ཐུགས་ཀྱི
276a3 དབང་ཡང་བསྐུར།། ཡེ་ཤེས་ཡོན་ཏན་དབང་ཡང་བསྐུར།། ཐུན་རྫས་ཕྲིན་ལས་དབང་ཡང་བསྐུར།། འབྲས་བུ་སྣ་ཚོགས་གཏོར་མས་བསྐུར།། བྱང་སེམས་དཀར་དམར་སྦྱོར་བའི་དབང་།། དེ་ལྟར་དབང་རྣམས
276a4 རྫོགས་པར་བསྐུར།། དེ་རྫོགས་ཕྲིན་ལས་ཐོགས་པ་མེད།། དེ་མ་རྫོགས་པའི་རྣལ་འབྱོར་པས།། མ་མོ་བསྒྲུབས་ཀྱང་འགྲུབ་མི་འགྱུར།། ཞེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་དབང་བསྐུར
276a5 བའི་སྐབས་ཏེ་སུམ་ཅུ་པའོ།། །། དེ་ནས་དཔལ་ལྡན་རང་བྱུང་རྒྱལ་མོ་དེས། འདི་སྐད་ཅེས་བཀའ་སྩལ་ཏོ།། ཧེ། ང་ནི་དུས་གསུམ་ཐམས་ཅད་དུ།། ང་ཡི་ཐུགས་རྗེ་རྒྱུན་མི་འཆད།། ང་ནི་བདེ་གཤེགས་སྦྱོར
276a6 སྡེ་མོ།། དམ་ཚིག་ཅན་གྱི་དགྲ་འདུལ་མ།། ང་ནི་རྣལ་འབྱོར་སྒྲུབ་སྡེ་མོ།། དམ་ཚིག་ཉམས་པའི་སྲོག་གཤེད་མོ།། ང་ནི་རང་བྱུང་རྒྱལ་མོ་སྟེ།། ང་ནི་ང་ལས་བྱུང་བ་ཡིན།། ཐམས་ཅད་ང་ཡི་སྤྲུལ་པ་ཡིན།། དཀར
iiif viewer powered by OpenSeadragon
