| e-texts navigator |
| Wylie |
272b1 བྱ།། དྲུག་གི་བར་དུ་ཚེ་བསྒྲུབ་བྱ།། དགུ་ཡི་བར་དུ་མ་མོ་བསྙེན།། བཅུ་གཉིས་བར་དུ་མ་མོ་བསྐང་།། བཅོ་ལྔའི་ནུབ་མོ་ཐུན་ཟོར་འཕང་།། རྒྱ་མཚོ་ཆུ་བོའི་གཞུང་ལ་བསྐྱོན།། དེ་ཡིས་དགོས་འདོད་ཐམས་ཅད
272b2 འགྲུབ།། ཅེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་གུ་ཧྱ་ཙིཏྟ་མདོས་ཀྱི་ལེའུ་ཞེས་བྱ་སྟེ་ཉི་ཤུ་བདུན་པའོ།། །། བདེ་བྱེད་ལྷ་མོས་ཡང་གསོལ་པ།། བདག་མ་ཡིན་པ་ཡིད་ཆེས་ཕྱིར།། སྐྱེ་རྒྱུད་ལུང
272b3 བསྟན་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། ཉོན་ཅིག་ལྷ་མོ་བདེ་བྱེད་མ།། སུམ་ཅུ་རྩ་གསུམ་ལྷ་གནས་ན།། ལྷ་ཆེན་མ་ཧཱ་དེ་བ་དང་།། ལྷ་མོ་ཨུ་མ་དེ་ཝཱི
272b4 གཉིས།། མ་མཇལ་ཡིད་ཀྱིས་སྦྱོར་བ་མཛད་པ་ལས།། ཡབ་ཡུམ་གཉིས་སུ་མེད་པའི་མདངས་ལས་ལྷ་མོ་ཨུ་མའི་དཔྲལ་བར་ལྕགས་ཀྱི་མཛེར་པ་གཅིག་སྐྱེས་པ་ལས། ཡབ་ཀྱིས་ཁྱེའུར་སྨོན་ལམ་བཏབ། ཡུམ་གྱི་བུ
272b5 མོར་སྨོན་ལམ་བཏབ་སྟེ། ཡུམ་གྱི་སྨོན་ལམ་མཐུ་བཙན་ནས། བུ་མོ་བཟང་སྡུག་ལ་འོད་ཆགས་པ་གཅིག་སྐྱེས་སོ།། མིང་ཡང་ལྷ་མོ་མདངས་ལྡན་མར་བཏགས་སོ།། བུ་མོ་དེ་ཟས་སུ་ནི་ལྷའི་ཞལ་ཟས་རོ་མཆོག་བརྒྱ
272b6 དང་ལྡན་པར་ཟ། གོས་སུ་ནི་ལྷ་ཡི་ན་བཟའ་པཉྩ་ལི་ཀ་གོན་པ་ལ། བདུད་ཐོད་པའི་ཕྲེང་བ་ཅན་དང་བདུད་མོ་བརྒྱ་བྱིན་ཀུན་དགའ་མོའི་བུ་བདུད་བྲང་རྐུན་ནག་པོ་བྱ་བའི་ཆུང་མར་ཕྱིན་ཏེ། ཕ་མ་གཉིས་ཀྱིས་དམོད
iiif viewer powered by OpenSeadragon
