| e-texts navigator |
| Wylie |
272a1 གམ་ར་ཤིང་ལ།། འབུར་དུ་བྲུས་པ་བཞུགས་སུ་གསོལ།། ཡང་ན་འབྲུ་ཟན་ལས་བྱས་པའི།། མཐིང་ནག་འཇིགས་པའི་ཆ་བྱད་ཅན།། ཞལ་གདངས་སྤྱན་བགྲད་མཆེ་གཙིགས་པའི།། རལ་པས་ས་གཞི
272a2 ཁྱབ་པ་ལ།། སྤྱི་གཙུག་མཐིང་གའི་རལ་པ་འོད་དུ་འབར།། གཡས་པ་བམ་ཆེན་ཙིཏྟ་ལ།། གཡོན་པ་གཡུ་ཡི་སྤྱང་མོ་ཕྲ་ཐབས་ཐོགས།། སྦྲང་མོ་འབུམ་གྱིས་བསྐོར་བར་བྱ།། ཐུགས་ཀར་མཚལ་གྱིས་ཏྲག་གཅིག
272a3 བྲི།། ཞལ་དུ་བརྣག་པའི་མིང་རུས་གཞུག། སྔོན་དུ་རྣལ་འབྱོར་བྱོལ་ཟོར་བྲི།། ལེ་བརྒན་གུར་དབུབ་ཞིང་ཡོལ་བྲི།། དེ་ལྟར་བཞེངས་པའི་མ་མོ་དེ།། ཚེ་སྲོག་བདག་མོ་ཡིན་པར་བཤད།། ཚེ་ཡི་དཀྱིལ་འཁོར་བཞེངས
272a4 གསོལ་ལ།། སྐབས་སུ་ཚེ་ཡི་སྙིང་པོ་དྲང་།། དང་པོར་ཏིང་འཛིན་རྣམ་གསུམ་གྱིས།། རང་གི་སེམས་ཉིད་རྟོགས་པར་བྱ།། རྟོགས་པ་མ་ཡེངས་བརྟན་པོ་ཡིས།། ཕྲིན་ལས་རྣམ་བཞིའི་མཎྜལ་ལ།། བྷནྡྷ་འབར་བའི
272a5 གཞལ་ཡས་སུ།། རང་བྱུང་ཡེ་ཤེས་ཆེན་པོ་ལས།། ཡི་གེ་ཏྲག་ཏུ་འཕྲོས་པ་ཡིས།། ཏྲག་ལས་མ་མོ་གསལ་བསྒོམ་སྟེ།། འཁོར་ནི་ནག་མོ་འབུམ་དང་བཅས།། ཏིང་འཛིན་བརྟན་པོ་མ་ཡེངས་བསྒོམ།། དེ་ཡི་མདུན་དུ
272a6 མཆོད་པ་ཀུན།། འདོད་ཡོན་སྣ་ཚོགས་ལྡན་པ་བསྒོམ།། བྱ་ནག་ལུག་ནག་བསྐང་བའི་རྫས།། བདུད་དང་གིང་ལའང་དེ་བཞིན་དུ།། རང་རང་མཉེས་པའི་རྫས་ཀྱང་བཤམ།། ཞག་གསུམ་བར་དུ་དཔལ་བསྙེན
iiif viewer powered by OpenSeadragon
