| e-texts navigator |
| Wylie |
271b1 བྱེད་སྦྱང་རྒྱལ་ནག་མོའི་རྒྱུད་ལས་ཆོ་འཕྲུལ་ལྟས་ངན་དབབ་པའི་སྐབས་ཏེ་ཉི་ཤུ་དྲུག་པའོ།། །། ལྷ་མོ་བདེ་བྱེད་ཡང་གསོལ་པ།། རང་བྱུང་རྒྱལ་མོའི་བསྐང་རྫས་གང་།། བསྐང་ལུགས་གང་ལགས་བཤད་དུ
271b2 གསོལ།། དེ་སྐད་གསོལ་པ་གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། རྣལ་འབྱོར་མ་མོ་སྤྱོད་པའི་ཚེ།། བསྐང་ལུགས་བཅོས་ཐབས་འདི་ལྟར་བྱ།། དུར་ཁྲོད་དབེན་པའི་གནས་མལ་ལམ།། ཆུ་འགྲམ
271b3 མཚོ་གླིང་རི་རབ་ཁར།། སྐྲ་བུ་བ་མི་དང་མ་འཕྲད་པར།། འབྲུ་སྣ་ཚོགས་པའི་ངར་ཕྱེ་ལ།། ཤ་ཁྲག་སྙིང་ཕྱེ་གསེར་གཡུ་བརྡར།། ཞི་རྒྱས་ལས་བཞིའི་གློ་འབུར་བརྩེགས།། རྒྱས་པ་གསེར་གཞིའི་སྟེང་དག་ཏུ།། སྣང
271b4 སྲིད་གཟུགས་ཀྱིས་བསྐོར་ལ་གཞག། དེ་སྟེང་ཞི་བ་དཀར་ཟླུམ་དུ།། སྤྱན་གཟིགས་སྣ་ཚོགས་བཀྲམ་ལ་གཞག། ཟུར་གསུམ་བརྩེགས་པར་ཟླ་གམ་གསུམ།། ཟླ་གམ་གསུམ་ལ་གཏོར་མ་གསུམ།། མི་ཁྱི་རྟ་ཡི་ཤ་ཁྲག
271b5 སྙིང་།། གཞན་ཡང་སྣ་ཚོགས་འབྱོར་པ་དགྲམ།། གྲུ་གསུམ་རྩེ་མོ་ལྷོ་རུ་བསྟན།། སོར་གཉིས་གྱེན་དུ་སློང་བ་ལ། ཁྲུ་གང་ཟུར་དུ་བྲུ་བར་བྱ།། སོལ་ཆེན་དག་གིས་ནག་པོར་བྱ།། ཟུར་གསུམ་རྩེ་ལ་རུ་དར་གསུམ།། རྨ
271b6 བྱའི་རྒྱལ་མཚན་གསུམ་ཡང་དགོད།། མི་ཁྱི་རྟ་ཡི་སྙིང་གསུམ་ཡང་།། སྲོག་པ་རྩ་དང་བཅས་ཏེ་གཞག། གྲུ་གསུམ་དབུས་སུ་སྣརེལ་མོའི་མགོ། དུམ་བུ་ལྔ་པ་གཞག་པར་བྱ།། དེ་ཡི་ནང་དུ་མ་མོའི་སྐུ། ལུགས་མ་དག
iiif viewer powered by OpenSeadragon
