| e-texts navigator |
| Wylie |
270a1 ཚོགས་བརྡུངས་ཏེ་སྦྱར།། གུ་གུལ་དུད་པ་ཐོད་པར་འདུག། རྒྱ་ཚིལ་གསུར་ཆེན་གུ་གུལ་གྱི།། དུད་པས་ཡུལ་ལྷ་བདུག་པར་བྱ།། རྟ་མགྲིན་སྐུར་བསྒོམ་མ་མོ་གཟིར།། མ་མོའི་བསྙེན་པ་རྫོགས་པ
270a2 དང་།། སྔགས་འདིས་བསྙེན་པ་འབུམ་དུ་བསྐུལ།། དུར་ཕྲོམ་དཀར་ཕྲོམ། ཤུད་ཏི་ཕྲོམ་ཡུག་ཏི་སྨིན། ཏྲག་དུར་ཙར་ཧྲིལ་བྷྱོ། ཤ་ར་ཤ་ལ་ཏ་ཧྲིལ་བྷྱོ། ཏྲཾ་ཏྲཾ་མུར་བྷྱོ། ཕོབ་རབ་ཏུ་ཕོ་བ་ཡ། ཡུལ་ལྷའི་ཐོག་ཏུ་ཐོད་པ་ནན།།
270a3 ཁྲག་དང་སྔོན་ཁུས་ཡུལ་ལྷ་བསྐུ།། དེ་དུས་སྔགས་འདིས་ཡུལ་ལྷ་གཟིར།། ཨོཾ་ཡ་མཱནྟ་ཀ། པདྨནྟ་ཀྲྀ་ཏ། ཧ་ཡ་གྲཱི་བ། ཨ་ཙ་མེ་ད་ར་ཀུ་རུ་མེ་ཙེ་ས་བྲག་སྭཱ་ཧ། དྲག་ཏུ་ཁྲོས་ཏེ་བཟླས་པར་བྱ།། ཡུལ་ལྷ་རྟེན་བདག
270a4 གཟིར་ནས་ཀྱང་།། ཡུལ་ཁམས་སེར་བས་འཇོམས་པར་བཤད།། ཡང་ན་ཀླུ་གནས་ཆུ་མིག་དང་།། བདག་ཉིད་ནུབ་ཕྱོགས་ཕྱིར་བསྐྱེད་ལ།། བག་ཕྱེའི་སྦལ་པ་བཞི་བྱས་ཏེ། ཁྲག་ལ་སྔགས་བཟླས་སྤྱིར་བོར
270a5 བླུགས།། མགོ་མཇུག་ཁྲག་དང་སྔོ་ཁུས་བསྐུ།། ཀླུ་ཡང་མི་བཟོད་འཇོམས་པར་བཤད།། ཟང་པོ་ཆེ་ལ་ལས་བྱས་ན།། ཕུག་པ་གཅིག་ཏུ་མེ་བཏང་ལ།། དགྲ་གཟུགས་བག་ཕྱེ་དག་ལ་བྱ།། མིང་རུས་ཁྲག་དང་སྔོ་ཁུ
270a6 དག། གཅིག་ཏུ་བསྲེས་ལ་སྦྱིན་བསྲེག་བྱ།། སྲིད་པ་འཁྲུག་པར་མ་གྱུར་ན།། སེར་བ་ཕེབས་པར་མི་འགྱུར་ཏེ།། མ་མོ་ཆུ་འཁྱགས་བདག་མོར་བསྒོམ།། ཞེས་གསུངས་སོ།། ཟ་བྱེད་སྤྱང་རྒྱལ་ནག་མོའི་རྒྱུད་ལས་སེར
iiif viewer powered by OpenSeadragon
