| e-texts navigator |
| Wylie |
263b1 གཅོད།། ཕྲིན་ལས་རྣམ་བཞིས་དངོས་པོ་གཅོད།། དེ་ཕྱིར་འཁོར་ལོར་བརྟེན་ཏེ་བསྒྲུབ།། དུར་ཁྲོད་རས་ལ་སྐྱང་ནུལ་བྱ།། དུག་ཁྲག་མཚོན་ལྕགས་བརྡར་ལ་བྱུག། སྒྲོལ་གིང་སྦྱོར་གིང་ཞལ་བྲིས་ལ།། ལྟོ་བར་སྲིད
263b2 པའི་འཁོར་ལོ་བསྐོར།། སྲོག་གི་འཁོར་ལོ་བསྐོར་བའི་ཚེ།། སྲོག་ལས་དྲང་བའི་སྙིང་པོས་བསྐོར།། བསད་པའི་འཁོར་ལོ་བསྐོར་བའི་ཚེ།། ཕུང་ཞིང་བསྒྲལ་བའི་འཁོར་ལོ་བསྐོར།། བར་བར་མིང་རུས་ཤམ་བུར
263b3 སྦྱར།། མཱ་ར་ཡ་ཡི་བྷྱོ་བསྒྲགས་གདབ།། སྲོག་གི་འཁོར་ལོ་སྒྲུབ་པ་ན།། བདུད་རྩི་ཆང་ཕུད་སྨན་གྱིས་བཀྲུ།། བསྐང་བའི་ཆོ་ག་རྒྱ་ཆེར་བྱ།། བསད་པའི་འཁོར་ལོ་འགྲུབ་པའི་ཚེ།། རབས་ཆད་ཐོད་བཅུག་གནན
263b4 གཏད་བྱ།། སྒྲོལ་བ་སྒྲོལ་གིང་ཉིད་ལ་སྟེ།། གཏད་པ་ཞང་པོ་ཀླུ་ལའོ།། ཞེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་ཕོ་འཁོར་ལོ་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་དྲུག་པའོ།། །། མོ་སྒྲུབ
263b5 འཁོར་བའི་ཁྲག་ལ་བསྒྲུབ་པ་ནི།། མོ་ཡི་རང་བཞིན་འདོད་ཆགས་ཆེ། ཁྲག་གི་རང་བཞིན་ཆགས་པའི་རྒྱུ།། ཆགས་པའི་འབྲས་བུ་ཁྲག་ཏུ་སྤྲིན།། དེ་ཕྱིར་ཁྲག་ལ་བརྟེན་ཏེ་བསྒྲུབ།། དང་པོ་བསྒྲུབ་ཚེ་ཁྲག་གིས
263b6 མཆོད།། བསད་པའི་མཚོན་ཆ་ཁྲག་གིས་བྱ། ཁྲག་ལ་དུག་གི་གྲོགས་དང་སྦྱར།། དུག་ཁྲག་ནད་ཀྱི་རྒྱུ་ཡིན་པས།། གསོད་ཚེ་དུག་ཁྲག་སྤྱོ་བར་བྱ། ཁྲག་ལ་རྣམ་པ་གཉིས་ཡོད་སྟེ།། ཤི་བའི་ཁྲག་དང་གསོན་པོའི
iiif viewer powered by OpenSeadragon
