| e-texts navigator |
| Wylie |
262b1 ནག་ལུག་ནག་ཁྱི་རོག་མོ།། འབྲི་རོག་མོ་ལ་སོགས་པས་བསྐང་།། མི་ཁྱི་རྟ་ཡི་བམ་གྱིས་བསྐོར།། མདོས་ལ་སོགས་པའང་དེ་བཞིན་ནོ།། དེ་ལྟར་རྫས་རྣམས་ཚོགས་པ་དང་།། མ་མོ་གཉིས་སུ་མེད་པར་འགྱུར།། ཞེས
262b2 གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་རྫས་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་བཞི་པའོ།། །། དེ་ནས་ཕྲིན་ལས་གཞུང་བསྲང་བ།། བྲག་དམར་ཚོལ་ཟངས་འདྲ་བའམ།། མཚོ་གླིང་དུར་ཁྲོད
262b3 དག་ཏུ་བསྒྲུབ།། ཟླ་བ་མར་གྱི་ཉི་ཤུ་གཉིས།། གཟའ་མཆོག་སྒྲ་གཅན་འཛིན་ལ་གཏད།། བསྒྲུབ་བྱ་ཤེས་ལྡན་དབང་རྫོགས་པས།། དཀྱིལ་འཁོར་ཞི་རྒྱས་དབང་དྲག་བཞི།། དབུས་སུ་མཚལ་གྱིས་ཏྲག་བྲིས་ལ།། རྦ
262b4 དཀར་ཚིགས་གསུམ་གཟུགས་པར་བྱ།། སྐྱེར་པ་མགོ་ལིང་ཡལ་ག་ལྔ།། དེ་བཞིན་མཁའ་བའི་རྩ་རུ་གཟུག། སྣརེལ་མོའི་ཐོད་པ་དུམ་ལྔའི་ནང་།། རྟེན་རྫས་ཤེས་རབ་མཚལ་ཆེན་དང་།། ཨ་མྲྀ་ཏ་དང་ཆང་ཕུད
262b5 སོགས།། སྤྱན་གཟིགས་གཏོར་མ་དེ་བཞིན་ཏེ།། རྒྱབ་ནི་འཇམ་དཔལ་ཕུར་ལ་བརྟེན།། ཡང་ན་ཆེ་མཆོག་དེ་བཞིན་ནོ།། ཏིང་འཛིན་རྣམ་གསུམ་གསལ་བསྒོམ་ལ།། དབང་ཆེན་གཞལ་ཡས་གདན་བཅས
262b6 བསྒོམ།། བསྐྱེད་པ་རྐྱེན་གྱི་སྔགས་བརྗོད་དེ།། དབུས་ཀྱི་ཤིང་དང་ཐ་མི་དད།། སྐུ་ལ་དབང་བསྐུར་དུག་གིས་མཐུ་བྱིན་བསྐྱེད།། ཕྲིན་ལས་རྫོགས་ནས་རྟག་པར་རྒྱུན་སྔགས་བཟླས།། བར་དུ་རྦད་ཅིང་ཐ་མར་བསད
iiif viewer powered by OpenSeadragon
