| e-texts navigator |
| Wylie |
261a1 བཤད་ཀྱི་ཚུལ་བཞིན་ཉོན།། མངོན་དུ་སྒྲུབ་ཐབས་རྣམ་པ་གསུམ།། རབ་ཀྱིས་ཏིང་འཛིན་བརྟེན་ནས་བསྒྲུབ།། འབྲིང་གིས་སྔགས་ལ་བརྟེན་ཏེ་བསྒྲུབ།། ཐ་མས་རྫས་ལ་བརྟེན་ཏེ་བསྒྲུབ།། རབ་ཀྱིས
261a2 ཏིང་འཛིན་སྒྲུབ་ཐབས་ནི།། དཀྱིལ་འཁོར་གཞལ་ཡས་གསལ་བ་ལ།། དམིགས་པ་བསྐྱེད་ལ་ནན་ཏན་བྱ།། དམིགས་པ་གསལ་བར་གྱུར་པ་དང་།། ཏིང་འཛིན་བརྟན་པོར་གྱུར་པ་ཡིས།། མ་མོ་ལས་སུ་རུང་བ
261a3 དང་།། རྣལ་འབྱོར་ལུས་དང་གྲིབ་བཞིན་འགྱུར།། དམིགས་པ་གསལ་བར་མ་གྱུར་ཅིང་།། ལྷ་མོ་ལས་སུ་མ་རུང་ན།། ནམ་ཀྱང་བཀོལ་དུ་མི་བཏུབ་སྟེ།། དབེན་པ་ཆེན་པོའི་ས་ཕྱོགས་སམ།། དུར་ཁྲོད་མ་མོ་ཆགས་ས
261a4 རུ།། བདག་ལས་མ་ཡིན་གཞན་མི་བསྙེན།། འདུ་འཛི་སྤངས་ལ་བདེ་གནས་བཤམས།། མཎྜལ་ཆག་ཆག་ལེགས་བཏབ་ལ།། དར་དཀར་རས་ལ་མ་མོ་ཉིད།། འབྲི་མཁན་དམ་ཚིག་ཅན་གྱིས་བྲི།། མདོག་ནག་ཞབས
261a5 བགྲད་མཆེ་གཙིགས་པ།། སྤྱན་བཟློག་རལ་པ་ཐུར་དུ་བསིག། མཐིང་གའི་རལ་པ་ཆག་གང་བ།། འོད་འབར་གྱེན་དུ་བསྒྲེང་བའོ།། གཡས་པ་བམ་ཆེན་ཙིཏྟ་ལ།། གཡོན་པ་སྤྱང་མོ་ཕྲ་ཐབས་ཐོགས།། སྐྲ་དང་རལ
261a6 པའི་གསེབ་ནས་ཀྱང་།། སྤྱང་མོ་མང་པོ་འཕྲོ་བ་བྲི།། གཡས་སུ་སྒྲོལ་བའི་གིང་ཆེན་བྲི།། གཡོན་དུ་སྦྱོར་བའི་གིང་ཆེན་བྲི།། ཁ་དོག་གཟུགས་མདངས་མཛེས་པར་བྲི།། དེ་ལྟར་བྲིས་པའི་མ་མོ་དེ།། མཎྜལ་དབུས་སུ
iiif viewer powered by OpenSeadragon
